Suma ka sariyad’a 17:3 - Bible azumeina

³ Mika mi he bege ndata masumu. Asum mbi dala: An min tin bege ndata irat vat kabon mi Ma didina, an min ki filei ma a gulud’um ki kawei ma yorina mi ang gorona. Ni kayam ndata ba, an nga ni hangziya.

Suma ka sariyad’a 17:3 Iomraidhean Croise

2 Sunda Hamuleinid’a 33:7

Mi tin filei ma mam tched’ema kur gong nga kud’ora hAlona d’a mam de mi David azi ki goroma Salomon kat ala: Ni kur gong nga kur Jerusalem mba an manat aduk andjafâ hi Israel-lâ peta ba, simiyên mba mi kak kua gak didinu d’a.

Buzuk ka Abud’a 20:23

Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i.

Buzuk ka Abud’a 20:4

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Buzuk ka Abud’a 34:17

Ar agi yorogi alo ma kaweina d’i.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Sunda hi suma hi Levi-nid’a 19:4

Ar agi mbud’ugi iragi ata alo ma hawa ya’â d’i, agi yorogi kaweina alona d’uo mi, kayam an ni Ma didina Alo magina.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Gat ta a hat á mbàd’id’a 12:3

Agi pleyêgi yi mazi ma teteng ma ngal ahle suma ngat buzuna woyo, agi togi ahuniyô suma a tched’ezi a tinizi á kud’urozina woyo, agi ngalagi filei mazina woi kakud’a, agi tozi angus ahle mazi suma azi tched’ezi d’igi alo mazina na na woyo, agi blazazi simiyêzi woi yam ambas ndata.

Gat ta a hat á mbàd’id’a 27:15

Sama mi langus vama tcheta mi yor kawei mala ni sun nda ndjendje d’a sana mi lat kabom kur d’al mamid’a ba, mi tinit nga gumun á kud’urod’u ni, Ma didina mi gum vuna! Ablau suma petna a hulong ded’a ala: Amin!

Suma ka sariyad’a 17:13

Mika mi dala: Ki tchetchemba, an wala Ma didina mba mi lan wa djivid’a, kayam an nga ki ma hi Levi-na á ngat buzuna.

Suma ka sariyad’a 17:2

Bur tu mi de masum ala: Bege mak ka hap pa kikisa dogo tu d’a yam suma a hlat ta ndak yahlena kat ta an hum ki humanda, gola, bege ndata ti nga avo hatanu. Ni an ba ni hlad’u. Asum mbi dala: Ma didina, ang b’e vunang yam gorona ni b’e ge!

Suma ka sariyad’a 17:4

Mi he bege ndata masumu. Asum mbi hle beged’a kikis mbà aduk bege ndata, ti hat mi sama yor kaweina. Mi yor ki filei ma a gulud’um ki kawei ma yorina, a tinim avo hi Mika.

Suma ka sariyad’a 18:30

Suma hi Dan-na a tin agu ma tchet máma mi aziya. Jonatan Gersom gorom ma Moise gorom ngolonina azi ki groma ni suma ngat buzuna mandjafâ hi Dan-na gak mba kur atchogoi d’a a yo suma kur ambasa a izi magombid’a.

Suma ka sariyad’a 18:5

A djobom ala: Ang djop Alona kayambala ami wamiya, na ni akoi mamid’a mba d’i ve kami ko zi ge d’a?