Suma ka sariyad’a 17:2 - Bible azumeina

² Bur tu mi de masum ala: Bege mak ka hap pa kikisa dogo tu d’a yam suma a hlat ta ndak yahlena kat ta an hum ki humanda, gola, bege ndata ti nga avo hatanu. Ni an ba ni hlad’u. Asum mbi dala: Ma didina, ang b’e vunang yam gorona ni b’e ge!

Suma ka sariyad’a 17:2 Iomraidhean Croise

Ad’u Tinda 14:19

Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû.

Nehemi 13:25

An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi.

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Zla d’a d’ogolâ 28:24

Sama nga mi kul ahlena habum kasum ma nga mi dala ndata nga ni tchod’a d’uo na, ni sama b’lak ahlena hi sumina ndrama.

Jeremi 48:10

Ar a ge vuna mi sama mi gol sunda hi an Ma didinid’a isâ, ar a ge vuna mi sama mi ar bei tchi sana ki mbigeu mam mba fiyakina!

Matiye 26:74

Wani mi nde yahlena kamu, mi gun tam ala: An we nga sa máma d’i. Ata yi máma na wat, ahle’â mi hela.

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Gat ta a hat á mbàd’id’a 27:16

Sama mi gol asum azi kabum isâ, Ma didina mi gum vuna! Ablau suma petna a hulong ded’a ala: Amin!

2 Jean 1:11

Sama gum depina, mi ni zlapa ki sed’em kur sun mam mba tcho ndata.

Suma ka sariyad’a 17:1

Sana nga kaka yam ahinad’a hi Efraim-mba, a yum ala Mika.

Suma ka sariyad’a 17:3

Mika mi he bege ndata masumu. Asum mbi dala: An min tin bege ndata irat vat kabon mi Ma didina, an min ki filei ma a gulud’um ki kawei ma yorina mi ang gorona. Ni kayam ndata ba, an nga ni hangziya.

Suma ka sariyad’a 5:23

Malaikana hi Ma didinina mi dala: Agi gagi vuna mazì ma Meros-sâ, agi gum vuna, agi gagi vuna mi suma a nga kaka kuruma mi, kayam azi mba nga á ndjun Ma didina d’i, a mba nga á dur ayîna zlapa ki mam suma gangrangâ d’uo mi.

Wana ni mbaktum mba a b’irit yam Rut-ta 3:10

Bowas mi dat ala: Goronda, ar Ma didina mi b’e vunam kagu. Ndak tak djivi maka woi ngola, kal la ndak lat avoka, kayam ndak hal nga azungeî suma ndjondjoîna d’oze suma houd’a d’uo mi.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.

1 Samuel 14:28

Sana tu aduk azigarâ mi dum ala: Abung gun suma ala: Le sa te va ini ni, gunda vumu. Ni kayam ndata ba, suma pet a seî wana.

1 Samuel 15:13

Kid’a Samuel mi mbaza gevemba, Saul mi dum ala: Ar Ma didina mi b’e vunam kangû; an le wa vama Ma didina mi han vuna kama.

1 Samuel 23:21

Saul mi dazi ala: Alona mi b’e vunam kagiya, kayam agi wan hohowonu!

1 Samuel 26:19

Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na.