Suma ka sariyad’a 16:30 - Bible azumeina

³⁰ Samson mi dala: Ar an mit ki suma Filistê-na! Mi oî kad’engêm pet; gonga hirif kä yam amulei suma Filistê-na ki suma pet suma a nga kuana. Suma Samson mi tchazi ki sed’ema ablawazi kal suma mi tchazi kid’a mi nga ki iramba.

Suma ka sariyad’a 16:30 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Wana ni mbaktumba hi Job-pa 31:3

Hohoud’a ni yam suma asa’atna, kid’eî ira ni yam suma a nga le sun nda tchod’ina mi d’uo zu?

Sawal la giled’a 62:3

Mam tu nahina manda, ni sut manda, ni gulumun man ma ad’eng ma ngunguna; an nga ni le mandara va tu d’i.

Ma tchi wala 9:12

Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Matiye 16:25

Kayam nge nge pî ma nga mi min á sut tama, mba mi ba tam mbeyo. Wani nge nge pî ma ba tam mbei kana, mba mi sut tam mi.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.

Filip-ma 2:8

Mi hle tam d’igi sana na, ata min mamba mi ge yam kä kukud’uk gak matna, mat ma ata agu ma b’alina.

Kolos-sâ 2:15

Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.

1 Tasaloni’â 5:2

Kayam agi wagi tetet ala bur ma Salad’a mba mi mba kuana ni d’igi sama kula mi mba andjege na.

Suma ka sariyad’a 14:19

Muzu’â hi Ma didinina mi mba kak kamu. Mi i Askalon, mi tchi suma dok hindi, mi yoï baru mazi ma lü vun tilâ, mi mba mi hum mi suma a vum ad’u zla d’a d’ogola woina. Hurum zal ngola, mi hulong avo habumu.

Suma ka sariyad’a 15:15

Mi fe pepleng koro ma mit kä awilina, mi nik abom mi hlumu, mi tchi suma ki sed’em dubu.

Suma ka sariyad’a 15:8

Mi duruziya, mi tchazi heî. Bugola, mi i kak kur zul ahina d’a Etam-mba.

Suma ka sariyad’a 16:29

Samson mi vabom ata grak ka mbà d’a aduk ka djik gonga akulod’a, mi vabom ma ndjufâ ata hid’a, mi vabom ma gulana ata hid’a mi.

Suma ka sariyad’a 16:31

B’oziyoma ki suma habuma pet a i hlumîya, a mba tozom aduk Sora ki Estawol kur zula habum Manowa-d’a. Mi kak ma ngolâ avok Israel-lâ ni bizad’a dok mbà.