Suma ka sariyad’a 16:28 - Bible azumeina

²⁸ Ata yi máma Samson mi tchen Ma didina ala: Salad’a Ma didina, an nga ni tchenengû, Alo mana, ang djib’er kanu! Ang han ad’enga ki tchetchem mba wanda hina go, ar an sä atchugulun ki suma Filistê-na yan hina tu yam iran nda mbà d’a a tchot teid’a.

Suma ka sariyad’a 16:28 Iomraidhean Croise

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Sawal la giled’a 10:12

Ma didina, ang tchol akulo, Alona, ang ndjunumiya, ang mar yam suma hohoud’a d’i.

Sawal la giled’a 116:4

Wani an nga ni yi simiyê Ma didina, an dala: Ma didina, ang wan hohowonu, ang sud’unu.

Sawal la giled’a 143:12

Yam o mang nga didinda, ang duk vun man suma djangûna akulo, ang tchi suma a nga tchan iran tata ki zlad’ina woi pet, kayam an nazong mangâ.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Jonas 2:7

An sir kä ad’u ged’a hahinad’id’a, vun azì ma azuleina mi nga duka kan ngingi. Wani Ma didina, Alo mana, ang tcholon akulo woi kur zula karid’a.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Suma ka sariyad’a 15:18

Ata yi máma vunam so, mi tchen Ma didina ala: Kayam ni ang ba, han an azong mangâ ad’enga á sut suma woi wana. Ki tchetchemba, an mit tei abo vun ma sod’a ba, ni ndabo suma bei ngat bayâd’a zu?

Suma ka sariyad’a 16:27

Andjofâ karopma a nga oîd’a hur gonga, amulei suma Filistê-na a nga kua. Suma kur gongina pet andjofâ karopma a ni go ki 3000, a nga gol Samson luna.

Suma ka sariyad’a 16:29

Samson mi vabom ata grak ka mbà d’a aduk ka djik gonga akulod’a, mi vabom ma ndjufâ ata hid’a, mi vabom ma gulana ata hid’a mi.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.