Suma ka sariyad’a 15:18 - Bible azumeina

¹⁸ Ata yi máma vunam so, mi tchen Ma didina ala: Kayam ni ang ba, han an azong mangâ ad’enga á sut suma woi wana. Ki tchetchemba, an mit tei abo vun ma sod’a ba, ni ndabo suma bei ngat bayâd’a zu?

Suma ka sariyad’a 15:18 Iomraidhean Croise

Ad’u Tinda 20:11

Abraham mi hulong dum ala: An djib’er ala suma ka hina a nga le mandara Alona d’i, a mba tchan yam amanda.

Ad’u Tinda 32:31

Kid’a afata deîd’a, Jakob mi djak Peniyel, nga mi tit dileîd’a yam ir tchugulum mba pata.

2 Samuel 1:20

Ar agi dagi zla ndata woi kur azì ma ngol ma Gat-na d’i, ar agi tchat walat tei ir palum mba Askalon-nda, tala arop suma Filistê-na a furîya d’a d’i, d’oze arop suma hi suma bei ngat bayâd’ina a ayâd’a d’uo mi.

Jean 19:28

Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Suma ka sariyad’a 14:3

Abum azi kasum a dum ala: Na ni gro aropma a nga aduk b’oziyongâ grozina d’oze aduk sum meina ka hî d’uo ba, ang i veï atchad’a aduk suma Filistê suma bei ngat bayâd’a zu? Samson mi de mabum ala: Ang vandjiya, kayam ti nde iran heî!

Suma ka sariyad’a 15:17

Ata yima vunam dap zla d’a ded’ina, mi ge pepleng koro máma woyo. A yi yi máma ala Ramat-Lehi.

Suma ka sariyad’a 16:28

Ata yi máma Samson mi tchen Ma didina ala: Salad’a Ma didina, an nga ni tchenengû, Alo mana, ang djib’er kanu! Ang han ad’enga ki tchetchem mba wanda hina go, ar an sä atchugulun ki suma Filistê-na yan hina tu yam iran nda mbà d’a a tchot teid’a.

Suma ka sariyad’a 8:4

Zedeyon ki mam suma kikis hindina, a mba avun alum ma Jurdê-na, a djagam mbeyo, a seyâ, wani a nga dik ad’u mazi suma djangûna gak.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.

1 Samuel 27:1

David mi de kurum ala: Bur tu Saul mba mi tchanu. Vama djivi nga kan ka hî d’i; hotei an i yam ambas sa Filistê-d’a á sut tanu. Hina wani, Saul mba mi aran bei hala yam ambas sa Israel-la. Hina wani, an mba ni sut tei abomu.