Suma ka sariyad’a 15:14 - Bible azumeina

¹⁴ Ata yima a mbamza Lehi-na, suma Filistê-na a tum sora, a ngavamu. Ata yi máma Muzu’â hi Ma didinina mi mba kak kamu. Ziyo ma a djinim kaboma, mi mbut d’igi baru d’a luluî d’a a ngalat kakud’id’a na, mi but teyo.

Suma ka sariyad’a 15:14 Iomraidhean Croise

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Sawal la giled’a 118:11

Azi nguyun ata yina pet; ki simiyê Ma didina an pleyêzi woi yayak.

Sawal la giled’a 18:34

Mi mbud’un asen d’igi ma hi pandrid’ina na, nga mi tinin á tita yam ahuniyôna akulo.

Buzuk ka Abud’a 14:3

Faron mba mi de yam Israel-lâ ala: A vid’a wa woi kur ambasa, fulâ mi duga wa abom kaziya.

Buzuk ka Abud’a 14:5

Suma a mba, a de mamul ma Ezipte-na ala: Israel-lâ a ring wa. Ata yi máma Faron kazungeî mama djib’er mazid’a mbut kä yam Israel-lâ, a dala: Ei lei ni me hina ba, ei arei Israel-lâ a i ge? Ni kayam me ba, ei arazi á lei sun nda magomba d’uo ge!

Mise 7:8

Mami ma djangûna, ar ang le furîd’a kami d’i! Le ami pugumi kä pî, ami mba hulong tcholomi akulo; le ami nga kaka kur nduvunda pî, Ma didina ni b’o mamid’a.

Filip-ma 4:3

Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.

Suma ka sariyad’a 14:19

Muzu’â hi Ma didinina mi mba kak kamu. Mi i Askalon, mi tchi suma dok hindi, mi yoï baru mazi ma lü vun tilâ, mi mba mi hum mi suma a vum ad’u zla d’a d’ogola woina. Hurum zal ngola, mi hulong avo habumu.

Suma ka sariyad’a 14:6

Muzu’â hi Ma didinina mi kak yam Samson. Va nga abom mbi, mi pau azlo ma azong máma woi d’igi sana mi pau gor ahu b’ëna woi na. Mi de nga abum azi kasum yam vama mam luma d’i.

Suma ka sariyad’a 15:13

A hulong dum ala: Ami djining ni djina go, ami hang abo suma Filistê-na, ami nga tchang ngi. A djinim ki ziyo ma awilina mbà, a ndum mbei kur zul ahinad’a.

Suma ka sariyad’a 15:9

Azigar suma Filistê-na a i ve kangâ yam andagad’a hi Juda-d’a, a ndjar gak a mbaza Lehi.

Suma ka sariyad’a 16:12

Delila ti yo ziyo ma awilina, ti djinim kiya, ti dum ala: Samson, golï Filistê-na kang nga! Doli na ni d’igi suma a nga burâ kä gevet klavi kur gonga. Mi tchal ziyo ma nga djinda del aboma woi d’igi sana mi tchal ziyo baru d’a para woina.

Suma ka sariyad’a 16:24

Ata yima a wuma, a subur alo mazina, a dala: Alo meina mi hei wa Samson mei ma djangû ma mi b’lagei ambas meid’a mi dabei tchid’ina aboya.

Suma ka sariyad’a 16:9

Doli na ni d’igi suma a nga burâ kä gevet klavi kur gonga. Ti de mi Samson ala: Samson, golï Filistê-na kang nga! Mi tchal ziyo máma d’igi sana mi tchal ziyo ma luluî ma akud’a ngalama na. A we nga ad’u ad’eng mam ndata d’i.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

Suma ka sariyad’a 5:30

Gagazi, azigarâ a hurum wa ahlena, a nga b’rawazi naduk taziya, gor weid’a tu d’oze gro yuguneina mbà yam ma dur ma lara pî gagang, baru d’a d’udjo d’a tetenga ni yam Sisera. Gagazi, baru d’a d’udjo d’a tetenga ná tchugut kel ma kus ayîna.

1 Samuel 10:10

Wani ata yima Saul azi kazong mama a mba Gibeya, a ngaf kadesâ hi suma djok vun Alonina, Muzu’â hAlonina mi surop yam Saul, mi hut gevezi go, nga mi djok vun Alona d’igi azi na mi.

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.

1 Samuel 11:6

Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola.

1 Samuel 17:35

an ring ad’um ni durum ni b’ad’ï ahuna avunamu. Le mam tchol á lan ayîna ni, an vum delemu, an murud’um ni tchumu.

1 Samuel 4:5

Ata yima a mba ki zandu’â kur kangîna, Israel-lâ a tum sora gak andagad’a yira.