Suma ka sariyad’a 14:6 - Bible azumeina

⁶ Muzu’â hi Ma didinina mi kak yam Samson. Va nga abom mbi, mi pau azlo ma azong máma woi d’igi sana mi pau gor ahu b’ëna woi na. Mi de nga abum azi kasum yam vama mam luma d’i.

Suma ka sariyad’a 14:6 Iomraidhean Croise

Sawal la giled’a 91:13

Ang mba tit yam azlona ki mageid’a, ang mba miret yam gor azlona ki guguina kä aseng mi.

Isai 42:2

Mam mba mi er ad’um akulo d’i, mam mba mi de zlad’a ki delem akulo d’i, sa mba mi humum delem ir palumba d’uo mi.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Hebre-na 11:33

Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

Suma ka sariyad’a 11:29

Muzu’â hi Ma didinina mi kak yam Jefte. Mi i yam andaga d’a Galät-ta kandagad’a hi Manase-d’a, mi kal mi i Mispe d’a kur andaga d’a Galät-tid’a á i yam andagad’a hi suma Amon-nid’a.

Suma ka sariyad’a 13:25

Muzu’â hi Ma didinina mi nde le sunda ki sed’em avo Mahane-Dan, aduk Sora ki Estawol.

Suma ka sariyad’a 14:19

Muzu’â hi Ma didinina mi mba kak kamu. Mi i Askalon, mi tchi suma dok hindi, mi yoï baru mazi ma lü vun tilâ, mi mba mi hum mi suma a vum ad’u zla d’a d’ogola woina. Hurum zal ngola, mi hulong avo habumu.

Suma ka sariyad’a 14:5

Samson mi i kabum azi kasum Timna. Kid’a a mbaza aduk guguzlud’a hi suma Timna-nid’a, atogo hina zak azlo ma azongâ mi ndeï ata Samson.

Suma ka sariyad’a 14:7

Mi i yo siretna ki gor atcha ndata. Tam lum djivid’a heî kad’u.

Suma ka sariyad’a 15:15

Mi fe pepleng koro ma mit kä awilina, mi nik abom mi hlumu, mi tchi suma ki sed’em dubu.

Suma ka sariyad’a 15:8

Mi duruziya, mi tchazi heî. Bugola, mi i kak kur zul ahina d’a Etam-mba.

Suma ka sariyad’a 16:30

Samson mi dala: Ar an mit ki suma Filistê-na! Mi oî kad’engêm pet; gonga hirif kä yam amulei suma Filistê-na ki suma pet suma a nga kuana. Suma Samson mi tchazi ki sed’ema ablawazi kal suma mi tchazi kid’a mi nga ki iramba.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

1 Samuel 10:16

Saul mi hulong dum ala: Mi dami ala korod’a a fat wa. Wani mi dum nga zla d’a Samuel mi dumzi yam leud’id’a d’i.

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.

1 Samuel 11:6

Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola.

1 Samuel 14:1

Bur tu Jonatan Saul goroma mi de mazong mam ma mi zim ahle mam suma dur ayînina ala: Ang mbei ï ata adesâ hi azigarâ hi Filistê ma sä abo hina. Wani mi de nga abum mbi.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.