Suma ka sariyad’a 14:18 - Bible azumeina

¹⁸ Kur bur ma kid’iziyana, kid’a afata bei nikid’a, suma hur azina a de mi Samson ala: Vama kal ayuma kadjib’etina ni me ge? Vama kal azlona kad’engina ni me ge? Mi dazi kua ala: Ladjï agi zumugi kamuhl man nda weid’a d’uo ni, agi ndak á van ad’u zla d’a d’ogol ndata woi d’i.

Suma ka sariyad’a 14:18 Iomraidhean Croise

2 Samuel 1:23

Kid’a Saul azi ki Jonatan a nga ki irazi tua d’a, a le yam tazi heî, kur mat mazina a wal nga woi d’uo mi. Azi afefeta kal b’aruna, azi ad’enga kal azlona.

Sawal la giled’a 81:16

Suma a noî Ma didinina a hulong wa yazi kä avoromu, wani a kak wa ki djivid’a burâ ki burâ.

Zla d’a d’ogolâ 30:30

Azlo ma ni ngola hahle suma abageina ma nga mi didak kazigam abo va d’uo na;

Ezekiyel 1:10

Azi ki zla tazi d’a fid’id’a pet a nga ki ira hi sanid’a, azi ki zla tazi d’a fid’id’a pet a nga ki ira hazlonid’a abo ma ndjufâ, azi ki zla tazi d’a fid’id’a pet a nga ki ira hamuhlîd’a abo ma gulana, azi ki zla tazi d’a fid’id’a pet a nga ki ira hi b’arunid’a mi.

Suma ka sariyad’a 14:17

Kur bur ma kid’iziya ma vun tilâ nga d’i tchi kam burâ ki burâ. Kur bur ma kid’iziyana mi vat ad’u zla d’a d’ogol ndata, kayam ti ndagam heî. Ti i vat ad’ut mi simiyêt grozina.

Suma ka sariyad’a 14:19

Muzu’â hi Ma didinina mi mba kak kamu. Mi i Askalon, mi tchi suma dok hindi, mi yoï baru mazi ma lü vun tilâ, mi mba mi hum mi suma a vum ad’u zla d’a d’ogola woina. Hurum zal ngola, mi hulong avo habumu.