Suma ka sariyad’a 14:17 - Bible azumeina

¹⁷ Kur bur ma kid’iziya ma vun tilâ nga d’i tchi kam burâ ki burâ. Kur bur ma kid’iziyana mi vat ad’u zla d’a d’ogol ndata, kayam ti ndagam heî. Ti i vat ad’ut mi simiyêt grozina.

Suma ka sariyad’a 14:17 Iomraidhean Croise

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Wana ni mbaktumba hi Job-pa 2:9

Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!

Zla d’a d’ogolâ 7:21

Ti vum ki lem mata, ti tanam ki vunat ma mbulâ.

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Mise 7:5

Agi hagi gagazid’a yam banagi d’i, agi tinigi hurugi yam ma le kagi heîna d’uo mi. Ang ngom vunang avok atcha d’a nga d’i bur ki sed’eng kur zlat ma tunid’a.

Wana ni Zla d’a Djivi d’a Luc mi b’irita 11:8

An nga ni dagiya, mam mba mi tchol akulo kayambala mam mi banama d’a d’i. Wani kayam sek ka banam mi segema ped’eta, mam mba mi tchol mi hum vama mam minima.

Suma ka sariyad’a 14:16

Samson amamba ti nde tchina kamu, ti dum ala: Ang hurung van nga d’i! Ang nga le kan ndi! Ang de zla d’a d’ogola mi simiyên grozina, ang vandji ad’ut ti! Wani mi hulong dat ala: An vat nga ad’ut mabun azi kasun nduo mi na. Ni nana ba, an vaksi ad’ut mi ndak ke?

Suma ka sariyad’a 14:18

Kur bur ma kid’iziyana, kid’a afata bei nikid’a, suma hur azina a de mi Samson ala: Vama kal ayuma kadjib’etina ni me ge? Vama kal azlona kad’engina ni me ge? Mi dazi kua ala: Ladjï agi zumugi kamuhl man nda weid’a d’uo ni, agi ndak á van ad’u zla d’a d’ogol ndata woi d’i.

Suma ka sariyad’a 16:13

Delila ti de mi Samson ala: Gak ini angî atan lasa na, ang kan ni zlad’a hawa! Ang danu, a djiningî ki me ge? Mi dat ala: Ndak gan yan nda ge d’a kid’iziyad’a ki baru d’a tchil la d’igi erdjena na d’a.

Suma ka sariyad’a 16:16

Kid’a ti nga b’lagam djib’erem burâ ki burâ ki zla mat ta ti nga d’i hum ndaka mi d’a, ve ta mamba nga d’uo d’a, mi dala: Hotei an mid’a!

Suma ka sariyad’a 16:6

Delila ti de mi Samson ala: Ang tagan ad’eng mang nga tcho tcho ndata, a djiningî ki me ba, a hulongông yang kä ge?