Suma ka sariyad’a 11:39 - Bible azumeina

³⁹ Kur dabid’a hi til ma mbànid’a, ti hulongî ti mba avo gen abud’u, mi ndak vun vun ma hle ma mam hluma ki sed’ed’u. Ti zlap nga ki mandjuf fi. Kur bur máma a tin zla ndata aduk Israel-lâ á tit kad’u,

Suma ka sariyad’a 11:39 Iomraidhean Croise

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Gat ta a hat á mbàd’id’a 12:31

Ar agi kud’urogi Ma didina Alo magina d’igi azi nga kud’or alo mazina na d’i, kayam sun nda azi nga lat malo mazinid’a pet, ni sun nda ndjendje d’a Ma didina tam nga d’i lum djivi kat tuo d’a, kayam andjaf sum ndazina a nga ngal grozi suma andjofâ ki grozi suma aropma á he ngola malo mazina.

Suma ka sariyad’a 11:31

kur hulong man nda avo ki furîd’id’a, sama lara ma mi ndeï avo hatan avok kikidji á d’ugulona, an mba ni tinim iram vam mi ang Ma didina, an ni hangzi vama ngat buzu ma ngala.

Suma ka sariyad’a 11:38

Mi dat ala: Ndak iya! Mi hat tilâ mbà. Ndat ti i ki buniyôt gro aropma á tchi hora weyet yam ahinad’a.

Suma ka sariyad’a 11:40

kur biza d’a lara pî gro arop suma Israel-lâ a nga i á tchi hora Jefte ma Galät-na goromba burâ fid’i fid’i.

1 Samuel 1:11

Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.

1 Samuel 1:22

Wani Anne ti i nga ki ndjuvut ti, ti dum ala: An djup gak gorâ ar apona tua. Bugola, an mba ni i ki sed’em avo Silo á tagam mi Ma didina; mam mba mi ar sä hî ki iram fafat.

1 Samuel 1:24

Ata yima ndat aram bei haponina, ti i ki sed’em kur gong nga kud’ora hi Ma didinid’a avo Silo. Azi ki ndjuvut a vamuhl ma bizam hindina, a hlafuta go ki kilona dok mbà yam mbà, a hle süm guguzlud’a agela tu.

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.