Suma ka sariyad’a 11:27 - Bible azumeina

²⁷ An lang nga tcho d’i. Ni ang ba, lan tchod’a, ang ndan ayîna. Ar Ma didin ma ka sariyad’a mi ka sariyad’a ini aduk Israel-lâ ki suma Amon-na.

Suma ka sariyad’a 11:27 Iomraidhean Croise

Ad’u Tinda 16:5

Sarai ti de mi Abram ala: Ang ngulun ihî ni angû; ni an ba ni hang magom manda ini ni anu. Kid’a ndat ti wala ndat ti ve we wirâ dad’a, ti nde golon is. Ar Ma didina mi kei sariya meid’a ni mamu.

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Ad’u Tinda 31:53

Alona hi Abraham-ma, Alona hi Nahor-râ, Alona habuyozina, mi kei sariyad’a adigeya. Jakob mi gun tam ki simiyê Alo ma abum Isak nga mi lum mandarama.

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Wana ni mbaktumba hi Job-pa 23:7

Sä hî ma d’ingêrâ mba mi de zlad’a ki sed’emu. Ni hina ba, an mba ni prut tei abo man ma ka sariyad’a ki iran fafat.

Wana ni mbaktumba hi Job-pa 9:15

Le an mbut ni ma d’ingêrâ pî, an ndak á hulongôm zla d’a ded’a d’i. An mba ni tchen ni man ma ka sariyad’a ba, mi wan hohowonu.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Sawal la giled’a 7:11

Alona ni mbarei man nda ngomonda, ni ma sut suma a humum vunama.

Sawal la giled’a 75:7

He ngola mi sanid’a nga d’i tcholï nabo ma yorogona, d’oze abo ma fladegena, d’oze abo ma hur fulîna d’uo mi.

Sawal la giled’a 82:8

Alo mana, ang tchol akulo, ang ka sariyad’a yam suma yam andagad’ina, kayam angî Sala andjaf suma yam andagad’ina pet.

Sawal la giled’a 94:2

Ma ka sariyad’a yam andagad’ina, ang tchol akulo, ang he suma yam mba ad’enga wurak mazid’a yam sun nda azi lata.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

2 Korente-na 11:11

Ni kayam me ge? Ni kayamba an nga ni le kagi d’uo d’a zu? Alona mi wala an nga ni le kagiya.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Hebre-na 12:23

Agi mbagi go ki Tok ka furîd’a hAlona grom suma a vut avok suma simiyêzi sä b’ira akulona. Agi mbagi go gen Alo ma ka sariyad’a yam suma petna ki muzu’â hi suma d’ingêr suma a bo suma Alona mi mbud’uzi ndak memetna.

Suma ka sariyad’a 11:28

Wani amul ma Amon-na mi hum nga zla d’a Jefte mi dumzid’a d’i.

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.

1 Samuel 24:12

Abunu, ang gol vun baru mang nga ngola abon wana! Kid’a an ngat vun baru manga an tchang nga d’uo d’a, ang wala an nga ki zla ki sed’eng ngi, d’oze tcho nga kurun ki sed’eng ngi, an le nga tcho avorong nguo mi. Wani ang nga burun kä á tchid’a.

1 Samuel 24:13

Ma didina mba mi kei sariyad’a adigeya, mba mi sän atchugulun ki sed’engû. Wani anu, an mba ni tin abon atang ngi.

1 Samuel 24:15

Ni nge ba, ang amul ma Israel-lâ i atam á durâ ge? Adi ma matna d’oze b’ab’a’â zu?

1 Samuel 24:16

Ma didina mba mi le vama d’ingêrâ, mba mi kak ma ka sariyad’a, mba mi gola, mba mi ndjunun kur zla manda, mba mi ka’î ma ka sariya manda, mba mi sud’un ndei abong mi.