Suma ka sariyad’a 11:26 - Bible azumeina

²⁶ Gola! Ini ni biza d’a kikis hindid’a Israel-lâ a nga kaka avo Hesbon kazì ma nguyuma, avo Arower kazì ma nguyuma, kur azì ma nglona pet ma nga avun alum ma Arnon-nina. Ni kayam me ba, agi hlagizi kur atchogoi ndata d’uo ge?

Suma ka sariyad’a 11:26 Iomraidhean Croise

Jeremi 48:19

Agi suma kaka avo Arower-râ, agi i tchologi avun lovota, agi gologi yina, agi djobogi ma nga mi ringâ ki d’a sut teid’a ala: Ni me mi le ge?

Sunda hi suma a sunuzinid’a 13:19

Kid’a mi b’lak andjaf ma kid’iziyana woi kur andaga d’a Kanan-ndid’a, mi hazi andaga ndata djona.

Gat ta a hat á mbàd’id’a 2:24

Bugola, Ma didina mi he vuna ala: Agi tchologiya, agi igiya, agi djagagi alum ma Arnon-na. Gola! An hagi Sihon amul ma Hesbon ma Amor-râ kambas mamba abogiya; agi durumu, agi hlagiziya.

Gat ta a hat á mbàd’id’a 2:36

Tinï ad’ud’a avun Arower avun alum ma Arnon-na dei gak mbei kur azì ma ngol ma kur horina gak mba Galät, azì ma ngol ma hlei abod’ina nga d’i. Ma didina Alo meina mi heizi pet aboya.

Gat ta a hat á mbàd’id’a 3:2

Ma didina mi dan ala: Ang ringîm mandaram mbi, kayam an hangzi ki azigar mama kambas mamba pet abongû. Ang le ki sed’em d’igi ang le ki Sihon amul ma Amor ma nga kaka Hesbon-na na.

Gat ta a hat á mbàd’id’a 3:6

Ei b’lagei azì ma nglona woi pet, ei tchi suma kuruma woi pet, nala, andjofâ, aropma ki kemba d’igi ei lei ki Sihon amul ma Hesbon-na na.

Josue 11:18

Josue mi dur ayîna ngola kamulei ndazina.

Josue 12:2

Sihon amul ma Amor ma nga kaka Hesbon-na. Mi te leud’a yam abo alum ma Arnon ma suma Arower-râ a nga kaka kuana, mi te yam abo andaga d’a Galät-ta gak mba kur alum ma Jabok ma hagad’a kambasa hi suma Amon-nid’a.

Josue 12:5

Nga mi te leud’a yam ahina d’a Hermon-nda, yam Salka, yam andaga d’a Basan-nda pet gak mba mi tin hagad’a ki suma Gesur-râ ki suma Mäka-na. Mi hleï abo andaga d’a Galät-ta gak mba mi yo hagad’a ki Sihon amul ma Hesbon-na.

Josue 13:10

zlapa kazì ma nglona hi Sihon amul ma Amor ma te yam Hesbon-na gak mba yo hagad’a ki suma Amon-na,

Josue 13:16

Andaga mazid’a tinï ad’ud’a ni Arower avun alum ma Arnon-na ei kur kazì ma kä kur horina dei gak mba hur ful la papana d’a go ki Medeba-d’a,

Josue 13:17

zlapa ki Hesbon kazì mam ma nglo ma hur ful la papanid’ina pet zlapa ki Dibon, ki Bamot-Bäl, ki Bet-Bäl-Meyon,

Josue 23:1

Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

Suma ka sariyad’a 10:8

A kid’eî ir Israel-lâ, a djobozi vunazi kur biza ndata gak bizad’a dogo yam klavandi zlapa ki Israel suma sä abo alum ma Jurdê-na woi hî yam ambasa hi suma Amor suma a nga kaka Galät-nid’a mi.

Suma ka sariyad’a 3:11

Ambasa ti kak ki halasa gak bizad’a dok fid’i. Bugola, Otniyel Kenas goroma mi mid’a.

Suma ka sariyad’a 3:30

Kur bur máma suma Mowap-ma a hulong yazi kä ad’u Israel-lâ. Ambasa ti kak ki halasa gak bizad’a dok klavandi.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.

Suma ka sariyad’a 8:28

Suma Madiyan-na a hulong yazi kä avok Israel-lâ, a nga hle yazi akulo d’uo d’a. Kid’a Zedeyon mi nga ki iramba, ambasa ti kak ki b’leng nga halasa gak bizad’a dok fid’i.

Suma ka sariyad’a 9:22

Abimelek mi tamula yam Israel-lâ bizad’a hindi.