Suma ka sariyad’a 11:11 - Bible azumeina

¹¹ Jefte mi i ki suma nglo suma Galät-na. A tinim ma ngolâ kaziya, a tinim ngola hi azigarîd’a mi. Jefte mi dugot zla d’a mi data pet avok Ma didina avo Mispa.

Suma ka sariyad’a 11:11 Iomraidhean Croise

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Josue 15:38

Dilan, Mispe, Joktel,

Suma ka sariyad’a 10:17

Suma Amon-na a tok tazi a ve kangâ Galät; Israel-lâ a tok tazi a ve kangâ Mispa mi.

Suma ka sariyad’a 11:12

Jefte mi ge sunda ata amul ma Amon-na, mi dum ala: Ni zla me adigei ki ang ba, ang mba dur ambas manda ge?

Suma ka sariyad’a 11:29

Muzu’â hi Ma didinina mi kak yam Jefte. Mi i yam andaga d’a Galät-ta kandagad’a hi Manase-d’a, mi kal mi i Mispe d’a kur andaga d’a Galät-tid’a á i yam andagad’a hi suma Amon-nid’a.

Suma ka sariyad’a 11:34

Jefte mi hulongî mi mba avo hatam Mispa. Gol wani, goromba ti ndeï á d’ugulom ki daliyâd’a abod’u, ti nga d’i lü djongâ. Ndat nabom vat tu, gorom ma ding nga d’i.

Suma ka sariyad’a 20:1

Israel-lâ pet á buzugï woi tinï ad’ud’a Dan dei gak mba Berseba, ki suma yam ambas sa Galät-tina mi. Ablau suma a tok tazi avo Mispa ni d’igi sama tuna na.

1 Samuel 10:17

Samuel mi yi Israel-lâ ala a tok avok Ma didina avo Mispa.

1 Samuel 11:15

Suma pet a i Gilgal. Ata yi máma, a tinim amula kua avok Ma didina. Ni kua ba, azi he vama ngat buzu ma zlap darigïd’a mi Ma didina. Saul azi ki Israel-lâ pet a le furîd’a ngola heî.

1 Samuel 8:21

Samuel mi hum zla d’a Israel-lâ a data pet, mi dat mi Ma didina.