Suma ka sariyad’a 1:1 - Bible azumeina

¹ Bugol matna hi Josue-na, Israel-lâ a djop Ma didina ala: Nandjaf ma lara adigami ba, mi i avok kikidji á dur suma Kanan-na ge?

Suma ka sariyad’a 1:1 Iomraidhean Croise

1 Amuleina 22:5

Josafat mi de mamul ma Israel-lâ ala: An nga ni tchenengû, ang djop Ma didina tua.

Buzuk ka Abud’a 18:15

Moise mi hulong de makunoma ala: Ni kayamba suma a nga mba geven ala an djop Alona kaziya d’a.

Buzuk ka Abud’a 28:30

Fata Aron mba mi kal avogon an Ma didinid’a, Moise, ang b’al vama a yum ala Urima ki vama a yum ala Tumima ata baru d’a ka sariya d’a didigamba. Hina wani, Aron mba mi zi sariyad’a hi gro Israel-lîd’a akulo didigam avoron an Ma didina burâ ki burâ.

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Suma ka sariyad’a 1:27

Suma hi Manase-na a dik nga suma a nga kaka Bet-Seyan-na kazì ma nguyuzina, suma Täna’â kazì ma nguyuzina, suma Dor-râ kazì ma nguyuzina, suma Jibleyam-ma kazì ma nguyuzina, suma Megido-na kazì ma nguyuzina woi d’uo mi. Suma Kanan-na a min kak kur ambas ndata mi.

Suma ka sariyad’a 2:21

an tanda nga ni dik andjaf suma a ar abo Josue bei dika mi mitna woi avorozi d’uo mi.

Suma ka sariyad’a 2:8

Josue Nun goroma azongâ hi Ma didinina, mi le bizad’a ni kis kam dogo mi mid’a.

Suma ka sariyad’a 2:9

A tozom yam andaga d’a a humzi djonid’a avo Timnat-Heres sa yam ahinad’a hi Efraim-mba abo ma norâ hahina d’a Gas-sid’a.

Suma ka sariyad’a 20:18

Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

Suma ka sariyad’a 20:27

Israel-lâ a djop Ma didina. Nata yi máma ba, zandu’â hAlonina mi nga kua.

Suma ka sariyad’a 20:28

Ni kur atchogoi ndata ba, Fines Elazar gorom ma Aron gorom ngolonina mi nga avok Alona ni mamu. Israel-lâ a djop Ma didina ala: Ami i durumi b’oziyomi suma hi Benjamin-na, d’oze ami vami tami kei zu? Ma didina mi hulong dazi ala: Agi igi ataziya, kayam avin an nga ni hagizi abogiya.

1 Samuel 10:22

Azi djop Ma didina kua ala: Sa máma mi mba nga ka hî zu? Ma didina mi hulong dazi ala: Agi gologi aduk ahlena, mi nga ngeid’a kä.