Sofoni 3:13 - Bible azumeina

¹³ Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Sofoni 3:13 Iomraidhean Croise

2 Sunda Hamuleinid’a 20:30

Leud’a hi Josafat-ta ti kak ki halasa, Alo mama mi hum tuk tad’a ata yima lara ge pet mi.

Wana ni mbaktumba hi Job-pa 11:19

Ang mba bur kä bei sa mi lang va ba, ablaud’a a mba hal ndjunda atangû.

Sawal la giled’a 119:3

Gagazi, a nga le vama tcho d’i, a nga tit kur lovot mamba.

Sawal la giled’a 120:2

Ma didina, ang prud’un ndei abo suma ka zlad’a, abo suma mbut ira mi.

Sawal la giled’a 120:3

Agi suma mbut ira, Alona mba mi ngobogi ni ki me ge?

Sawal la giled’a 23:2

Nga mi tinin ata hat ma nguloma, nga mi tinin avun mbiyo ma d’igil ma hirwilingâ.

Isai 17:2

Azì ma nglo ma nguyutna a mba aram mbei ki irazi fafat, a mba aramî mi d’uwarâ, a mba mol kua, vama mba mi mbud’uzi mandarîna nga d’i.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 54:14

Ndak mba d’i sira ngingi kur d’ingêra, ndak mba d’i wal lei dei ki djop vuna, kayam ndak mba d’i le mandara va tu d’i. Ndak mba d’i dik mandarâ woyo, kayam mba mi hud’ï gevek go d’i.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 63:8

Adjeu mi dala: Gagazi, azi ni sum mana, azi ni gro suma bei ka zlad’a ba na. Kayam ndata, mam mi ma sud’uzina.

Isai 65:10

Saron mba d’i mbut ni yima pol d’uwar man ma gureina, hor ra Akor-ra mba d’i mbut ni kangâ ma burâ hi d’uwar ma nglona yam man suma a halana.

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Joel 3:21

An mba ni hlatchugula buzuwazi ma an hlum nga atchugulum mbuo tua na. An Ma didina mba ni kak kur Siyon.

Sunda hi suma hi Levi-nid’a 26:6

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.

Mise 4:7

Suma dileîd’a an mba ni sud’uziya, suma a yozi magomba woi adjeu deina a mba mbut andjaf ma sib’ika. An Ma didina mba ni te kazi yam ahina d’a Siyon-nda tinï ad’ud’a ata yi máma dei gak didin.

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Zakari 8:16

Wana nahle suma agi lagizina: Ar sama lara pî mi de ni zla d’a gagazid’a mi ndrama, ar agi kagi ni sariya d’a d’ingêr ra irata á mba ki b’leng nga halasa,

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Matiye 13:41

An Gor Sana mba ni sun malaika mana á yo suma a nga tchuk suma kur tchod’ina ki suma a nga le tchod’ina pet woi abu kur leu manda.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Kolos-sâ 3:9

Agi kagi zlad’a mi tagi d’i, kayam agi fogogi wa sa magi ma adjeuna woi ki sun mam mba led’a da’.

1 Pierre 3:14

Wani le agi nga fagi ndaka yam d’ingêra ni, agi lagi furîd’a ngola. Ar agi lagi mandarâ abo suma d’i, ar vunadigagi d’i pat tuo mi,

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.

Vama ndum mbeina 14:5

Azi ni suma bei ka zlad’a, ni suma bei zlad’a kazi ba na mi.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.