Sofoni 1:18 - Bible azumeina

¹⁸ Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Sofoni 1:18 Iomraidhean Croise

Ad’u Tinda 6:7

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

1 Amuleina 14:22

Andjafâ hi Juda-na a lahle suma tchona avok Ma didina, a zalam hurum ki tcho mazi d’a led’a kayam tcho mazi d’a led’a ti kal la habuyozi ngolo d’a.

Wana ni mbaktumba hi Job-pa 21:30

Kur bur ma ndaka a mba ar ma asa’atna hawa, kur bur ma ayîna mam mba mi prut tei mi.

Wana ni mbaktumba hi Job-pa 3:15

zlapa ki suma nglo suma a nga tok lora suma a oî aziyazi ki bege d’a hapina.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Sawal la giled’a 79:5

Ma didina, ang hurung mba zal kami hina gagak mindja ge? Ang hurung mba zal kami ni d’igi akud’a ti ngal yina na zu?

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Zla d’a d’ogolâ 18:11

Fed’a hi sama ndjondjoînid’a ni d’igi azì ma ngol ma ad’eng ma ngunguna na, djib’er mamba ti ni d’igi gulumun ma fiyak ma mam ngei tam kua á kak ki halasina na.

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Ezekiyel 16:38

An mba ni kak sariyad’a kak d’igi a ka sariyad’a yam arop suma mizeuna karop suma tchi matna na, an mba ni arak ndak bulul kä aduk buzuwak yam hur man ma zala ki yungôr mana.

Ezekiyel 23:25

An nga ni zal hurun kagu. An mba ni arazi a mba le ki sed’ek ki hur ma zala, a mba ngad’ak atchinak ki humak keyo, mak suma a mba arâ, a mba tchazi avun ayîna, a mba yo grok suma andjofâ ki suma aropma. Mak suma a arâ, akud’a mba d’i ngalazi woi mi.

Ezekiyel 7:11

Murud’umba ti mbut wa d’igi totogo d’a to suma na. Va mazi mba mi ar ruo d’a, ablau mazi d’a mimiyâka pî, sa mba mi ar ri, ndjondjoî mazid’a d’oze subur mazid’a mba d’i dap peyo.

Ezekiyel 7:19

A mba tchuk bege mazi d’a hapa woi ir palumba, lor mazid’a mba d’i mbut ni vama ndjendjed’a. Bege mazid’a ki lor mazid’a a mba ndak á sud’uzi woi kur bur ma ayîna hi Ma didinina d’i. A mba hobozi hayazi d’uo mi na, a mba ndagazi d’uo mi, kayam ni azi ba, a tchuguzi kur tcho d’a led’a.

Ezekiyel 7:5

Salad’a Ma didina mi dala: Gola! Ndaka nga d’i mba! Ndak ka hle tat d’igi ndat hina d’a nga d’i!

Sofoni 1:11

Agi suma Maktes-sâ, agi tchagi wulula, kayam suma mbut abozina a dap wa woyo, suma beged’a pet, a tchazi wa woi mi.

Sofoni 1:15

Bur máma ni bur ma ayî ma bibiliuna, ni bur ma hohoud’a ki pupuluka, ni bur ma b’lak ahlena, ni bur ma pleî ahlena, ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna mi.

Sofoni 2:2

avok ka bei vun ma hed’a mba tua d’a, bei burâ mi kal d’igi brad’a ti fel lei na d’a, bei ayî ma bibiliuna hi Ma didina mi mba kagid’a, bei bur ma ayî máma mi mba kagid’a.

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?