Sofoni 1:14 - Bible azumeina

¹⁴ Bur ma ayîna hi Ma didinina mi ar wa go, nga mi djï atogo zak. Agi mba humugi siwel la kur bur mámid’a, grang ma durâ pî mba mi tchi tchi ma hat hurâ mi.

Sofoni 1:14 Iomraidhean Croise

Isai 15:4

Suma Hesbon-na ki suma Elale-na a nga er ad’uzi akulo, suma a nga humuzi delezi sä woi Jahas. Kayam ndata, azigar suma dur suma Mowap-ma a nga tchi wulula, a nga zlak mi.

Isai 33:7

Gola! Grang suma dur ayîna a nga er ad’uzi abua, suma sun suma a hal halasina a nga tchi tchi ma hat hurâ mi.

Isai 66:6

Agi humugi del la ngop pa nga d’i ndeï hur azì ma ngolîd’a. Ni del la nga d’i ndeï kur gong nga kud’orid’a. Ni dela hi Ma didin ma nga mi wurak mam suma djangûna ndak yam sun mazid’ina.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 25:36

Agi humugi tchina hi suma polina ki wulula hi suma avok tumiyônina, kayam Ma didina mi b’lagazi ful mazi ma te hatna woi da’.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 48:41

A mba hlazì ma Keriyot-na, A mba yo azì ma ad’eng ma ngunguna mi. Kur bur máma suma gangrang suma Mowap-ma, huruzi mba mi b’lak d’igi atcha d’a hurut nga mi tat á vutid’a na.

Ezekiyel 12:23

Ang dazi ala: Salad’a Ma didina mi dala: An mba ni d’el zla d’a d’ogol ndata, Israel-lâ a mba dugud’ot ded’a adigazi d’uo d’a. Wani ang dazi ala: Yina mba wa go, ahle suma a nde tazi woi ir sumina a mba le.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 7:12

Yina nga mi djïya, bur ma ka sariyad’a mi mba go! Ar sama mi gus ahlena mi le furîd’a d’i, ar sama mi gus ahlena woina tam mbi tchuk susub’ok kuo mi, kayam ayî mana mba mi wet tei yam ablaud’a hi sumid’a pet.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Joel 3:14

Gola! Suma ablaud’a ablaud’a mimiyâk a nga kur hora á ka sariyad’a, kayam burâ hi Ma didinina mi ar wa go á ka sariyad’a kur hor ndata.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Amos 8:2

Mi djobon ala: Amos, ang we ni me ge? An hulong ni dum ala: An we gagalagad’a ki vud’agu ma ned’a kuru. Ma didina mi hulong dan ala: Dabid’a mba wa yam man suma Israel-lâ da’, an mba ni vat hurun ndei yam tcho mazid’a d’uo d’a.

Sofoni 1:10

An Ma didina nga ni dagiya: Kur bur máma a mba humï tchina avun agrek ma Kulufâ, a mba humï wulula ir palumba habo azì ma awilina hazì ma ngolîna. Ni b’lak ka ngol la yam yima ndingîd’a.

Sofoni 1:7

Agi kagagi ki vunagi ma du’â avok Salad’a Ma didina, kayam bur mama mi mba wa go, mi min wa va mam ma ngat buzuna, mi tin wa suma mam yazina irazi vazi mi.

Sunda hi suma a sunuzinid’a 2:20

Afata mba d’i mbut nduvunda, tilâ mba mi mbut hleud’a d’igi buzuna na avok mbad’a hi burâ hi Ma didinina, ni bur ma ngol ma subura.

Filip-ma 4:5

Ar agi tagagi luluma magid’a woi avok suma pet, kayam Salad’a mi ar go á mbad’a.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

Hebre-na 12:26

Ni ma delem mbi giget andagad’a kur bur mámina, wani ki tchetchemba, mi hle vunam ala: Ar kua yan tu, an mba ni giget nandagad’a hol li, wani akulod’a mi.

Jacques 5:9

B’oziyona, agi guruyôgi tagi tala Alona mi ka sariyad’a kagiya d’a d’i. Kayam Ma ka sariyad’a mi nga go avun agre’â.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.