Sawal la giled’a 127:1 - Bible azumeina

¹ Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Sawal la giled’a 127:1 Iomraidhean Croise

1 Amuleina 5:12

Ma didina mi he ned’a mi Salomon d’igi mi dum na. Salomon mi le darigïd’a ki Hiram, mi djin vunam ki sed’em ala azi wal lei d’i.

1 Sunda Hamuleinid’a 28:10

Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

Sawal la giled’a 120:1

Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.

Sawal la giled’a 121:1

Ni sawal la suma a djak Jerusalem á lü vun tilîna a hlata. An nga ni gol iran akulo yam ahuniyôna. Sama ndjununa mba mi tcholï ni lara ge?

Sawal la giled’a 122:1

Ni sawala hi David ta suma a djak Jerusalem á lü vun tilîna a hlata. An nga ki furîd’a ata yima a dan ala: Ar ei ï avo hi Ma didina na.

Sawal la giled’a 123:1

Ni sawal la suma a djak Jerusalem á lü vun tilîna a hlata. An nga ni hle iran akulo á golong ang ma nga kaka yam zlam mang nga amula sä akulona.

Sawal la giled’a 124:1

Ni sawala hi David ta suma a djak Jerusalem á lü vun tilîna a hlata. Ar Israel-lâ a dala: Ladjï Ma didina mi nga ki sed’ei d’uo ni, ei mba lei ni nana ge?

Sawal la giled’a 125:1

Ni sawal la suma a djak Jerusalem á lü vun tilîna a hlata. Suma a deng tazi ata Ma didinina, azi ni d’igi ahina d’a Siyon nda nga d’i giget tuo d’a kaka hina ngingring gak didinda na.

Sawal la giled’a 126:1

Ni sawal la suma a djak Jerusalem á lü vun tilîna a hlata. Kid’a Ma didina mi hulongî mam suma a yozi magombina avo Siyon-nda, ami djib’eremi ni d’igi adïd’a dami ni ndat na!

Sawal la giled’a 72:1

Ni sawal la gile d’a Salomon mi hlata. Alo mana, ang he d’alâ mamulâ á ka sariyad’a d’igi ang na, ang tak ad’u d’ingêr manga mamulâ goroma mi.

Sawal la giled’a 78:69

Mi min gong mam mba mi tinit irat vata akulo d’igi yima ndingâ na, d’igi andaga d’a mi sirat ngingring burâ ki burîd’a na.

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Sawal la kal teglesa 3:3

Suma ndjol suma a nga ngui hur azì ma ngolina a fanu. An djobozi ala: Agi wagi ma an le kam heîna ko zu?

Sawal la kal teglesa 5:7

Suma ndjol vun gulumun suma a nga ngui hur azì ma ngolîna, a ngavanu, a tonu, a kan tan mbilâ, a fok baru man nda an d’ud’ut atanda woyo.

Isai 27:3

Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 62:6

Ndak Jerusalem, an tin wa suma ndjola yam gulumun ma’â. Azi mba ba vunazi falei d’oze andjege d’i; agi suma nga gagi hum Ma didina yam ahle suma a le ki Jerusalem-mina, agi tugugi tagi d’i.

Jeremi 51:12

Agi pagi drapo d’a taka akulo, agi durugi gulumun ma Babilon-na, agi hagi ad’enga mi ma ndjola, agi tinigi suma ndjola, agi tinigi suma a bur suma kä na. Kayam Ma didina mi nga hurum da’, nga mi ndak vun zla d’a mi dat yam suma a nga kaka Babilon-nid’a.

Jeremi 51:31

Ma gum sundina mi ring ad’u ma gum sundina, suma a tchuguzi sundina a ring ad’u ndrozina á i de mamul ma Babilon-na ala azì mam ma ngolâ, a hlum wa ki zla tam pet!

1 Korente-na 15:14

Le Christ mi tchol nga akulo aduk suma matna d’uo ni, wal mami d’a tchid’a ni hawa, he gagazi magid’a ni hawa mi.

1 Korente-na 3:7

Kayam ndata, sama ped’a ki ma vo mbina a ni va d’i, wani Alo ma ndak á wuluma ni va.

Galat-na 4:11

An nga ki mandarâ, dam sun nda an lat adigagid’a mba d’i mbut vama hawana kla.

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

Josue 2:2

Suma a mba de mamul ma Jeriko-na ala: Gola! Israel-lâ a mbeï ka andjege wana á we fed’a suma kur ambasina.