Sawal la giled’a 11:4 - Bible azumeina

⁴ Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Sawal la giled’a 11:4 Iomraidhean Croise

Sawal la giled’a 103:19

Ma didina mi tin nga zlam mam mba amula sä akulo, nga mi tamula yam ahlena pet mi.

Sawal la giled’a 18:6

Ziyona hi yima azuleinina mi nguyun wa, dauna hi matnina mi nga gunda kä avoronu.

Sawal la giled’a 2:4

Wani ma nga kaka sä akulona nga mi san ad’uziya, Ma didina nga ma lazizi mi.

Habakuk 2:20

Wani Ma didina mi nga kaka kä kur gong mam mba kud’ora; ar suma yam andagad’ina pet a seng silil avoromu!

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Sawal la giled’a 33:13

Ma didina nga mi golï kur akulod’a, nga mi we suma pet;

Vama ndum mbeina 4:2

Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

Matiye 23:21

Le sana mi gun tamï ki gong nga kud’ora hAlonid’a ni, mi gun ni tam ki gong ndata kAlo ma nga kaka kurutna mi.

Matiye 5:34

Wani an nga ni dagiya, agi gunugi tagi ki va tu d’i. Agi gunugi tagi kakulod’a d’i, kayam ndat ni zlam mba amula hAlonid’a,

Sawal la giled’a 66:7

Nga mi te yam suma kad’eng mamba gak didin, iram nga tinda yam andjaf suma; ar suma so vuna a subur tazi d’i. Tchol ndjö

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

1 Sunda Hamuleinid’a 17:5

Kid’a an buzugï Israel-lâ woi avo Ezipte dei gak ini d’a, an nga bei kak kur gonga. Wani an ni ka’î kur zlub’ud’a zlub’ud’a, an nga ni djok kaka kur yina teteng mi.

Sunda hi suma a sunuzinid’a 7:49

Ma didina mi dala: Akulod’a ni zlam man nda amula, andagad’a ni vama tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Sawal la giled’a 9:11

Ma didina, suma a wang simiyêngâ, a nga deng tazi atangû, kayam ang nga ar suma a halangâ woi d’i.

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.

Wana ni mbaktumba hi Job-pa 24:23

Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 113:5

Ni nge ba, mi hle tam d’igi Ma didina Alo meina na ge? Yam ma kaka mi sä nakulo.

Sawal la giled’a 139:23

Alo mana, ang halan hurunu, ang wumu; ang kugunu, ang we djib’er man nda teteud’a.