Sawal la giled’a 102:2 - Bible azumeina

² Ma didina, ang hum tchen manda, ar tchi mana mi ndeza humangû!

Sawal la giled’a 102:2 Iomraidhean Croise

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Wana ni mbaktumba hi Job-pa 7:21

Ni kayam me ba, ang vat hurung ngei yam tcho manda d’uo ge? Ni kayam me ba, ang mar rei yam tcho manda d’uo ge? Ki tchetchemba, an nga ni i bur kä aduk andaga d’a gugud’upa; ang mba halanu, wani ang mba fan nduo d’a.

Sawal la giled’a 104:29

Le ang mbud’uzi azigangû ni, azi mbut mandarâ; le ang d’el muzuk mazid’a ni, azi mba bo, azi hulong mbut nandaga d’a gugud’upa.

Sawal la giled’a 13:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 143:7

Ma didina, ang hulongôn humba atogo zak, kayam an nga ni lá bad’a, ang ngei tang iran ndi, ar an mbut d’igi suma a tchuk kä kur zulina na d’i.

Sawal la giled’a 17:1

David mi tchen Alona. Ma didina, ang hum tchen man nda d’ingêra, ang tin humang á hum tchi mana, kayam an nga ni tcheneng ki hur ma tuna.

Sawal la giled’a 22:19

A b’rau baru mana aduk taziya, a tum baru man nda ngola gumara mi.

Sawal la giled’a 27:9

Ang ngei irang avoron ndi, ang zut azong mangâ woi kayîna d’i. Angî ma ndjununa, ang aran ndei d’i, ang gan ndei d’i, kayam angî Alo ma sud’una.

Sawal la giled’a 31:2

Ma didina, an ngei tan atangû, ang aran an mbut zulona yan tu d’i; ang sud’un ndei yam d’ingêr manga.

Sawal la giled’a 40:13

Kayam an nga ki tcho d’a bei dap ndumba ba d’a kanu, tcho manda tok kanu; an we nga vama an lum ki sed’etna d’i. Ta ablaud’a kal tumus sa kanda, ve ta manda nga d’uo d’a.

Sawal la giled’a 69:17

Ma didina, ang humunu, kayam o mang nga didinda ti ngola heî; yam we hohou manga, ang mbud’ï irang kiranu.

Sawal la giled’a 70:1

Ni sawal la gile d’a David mi hlat mi hat mi ma ngolâ hi suma hle sawala á djib’er yam Alonid’a.

Sawal la giled’a 71:2

Yam d’ingêr manga ang prud’un ndeyo, ang gan akulo, ang tin humang ang sud’unu.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Buzuk ka Abud’a 2:24

Alona mi hum zam ta mazid’a, mi djib’er yam vun mam ma djin ma mi djinim ki Abraham ki Isak ki Jakob-ma.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

1 Korente-na 10:13

Kuk ka lara ge pet ta nga d’i kugugid’a nandjaf kuk ka nga d’i kuk sumid’a mi. Alona ni Ma d’engzengâ, mba mi ar kuka kal yam ad’eng magid’a d’i, wani kur kuka, mba mi hagi lovota á ndagi woi kur á vagi tagi ad’enga.