Sawal la giled’a 10:4 - Bible azumeina

⁴ Wana ni djib’era hi sama asa’atnid’a ki yam mba ad’eng mamba nga mi dala: Alona mba mi van ki zlad’a d’i! Kur djib’er mamba pet mi dala: Alona mi nga d’i!

Sawal la giled’a 10:4 Iomraidhean Croise

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Wana ni mbaktumba hi Job-pa 22:17

Sum ndazina a de mAlona ala: Ang huttcha woi dei ki sed’emiya! Ma ad’engêm kal petna mi ndak á lei me ge?

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Sawal la giled’a 18:27

Sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 36:1

Ni sawal la David azongâ hi Ma didinina mi hlat mi hat mi ma ngolâ hi suma hle sawalina.

Sawal la giled’a 53:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 73:11

A nga dala: Alona mba mi we ni nana ge? Ma sä akulo ma kal teglesâ, mi nga ki wed’a ko zu?

Buzuk ka Abud’a 5:2

Faron mi hulong dazi ala: Ma didina ni nge ba, an humum vunam ba, an ar Israel-lâ á id’a ge? An we nga Ma didina d’i, an nga ni ar Israel-lâ á id’a d’uo mi.

Zla d’a d’ogolâ 21:4

Subur tad’a ki yam mba ad’enga a nga tak tchod’a hi suma asa’atnid’a woi d’igi lalamba nga d’i b’o na.

Zla d’a d’ogolâ 30:13

Suma dingâ a nga, ni suma yam mba ad’enga, a nga gol suma ki irazi sod’a woi ngrazang.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Zla d’a d’ogolâ 6:17

Hle yam mba akulod’a, zla d’a kad’a, tchi d’a tchi suma bei zlad’a kazinid’a,

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Isai 65:2

An nga ni mat abon burâ ki burâ mandjaf suma bei hum vuna, ni suma a nga tit hur lovot mazi d’a tchod’a yam djib’er mazid’ina.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Sofoni 1:12

Kur bur máma an mba ni hal hur azì ma Jerusalem-ma ni ki lalamba, an mba ni ngop suma a nga burâ kä kur tcho mazid’a suma a nga de kuruzi ala: Ma didina nga mi le vama djivi d’oze vama tcho d’uo na.

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Marik 7:21

Kayam ni krovo kur sana ba, djib’er ra tchod’a, e’eûd’a, kula, tchi matna,

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Efes-sâ 2:12

Ata yi máma, agi ni suma woi dei ki Christ-sâ, agi ni suma wala woi dei ki Israel-lîna, agi ni suma wala woi dei ki vun ma djin ma Alona mi djinim ki sum mamina mi. Hina, agi ni suma bei hur ma tinda, agi ni suma bei Alona kur duniyad’a ka hina mi.

Gat ta a hat á mbàd’id’a 8:14

agi gologi tagi djiviya, ar agi maragi yam Ma didina Alo magi ma buzugugï woi kur ambas sa Ezipte-d’a kur yima a lagi magomba kuana d’i.