Sawal la giled’a 1:6 - Bible azumeina

⁶ Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 1:6 Iomraidhean Croise

Wana ni mbaktumba hi Job-pa 23:10

Wani mam we lovot ta an nga ni tit kuad’a. Fata mi kugunda, an mba ni nde woi yed’et d’igi lora na.

Sawal la giled’a 112:10

Sama asa’atna mba mi we hina wani, mba mi ka guruta, mba mi mut siyamu, ad’engêm mba d’i dap pei mi. Suma asa’atna, min mazid’a mba d’i kal leyo.

Sawal la giled’a 142:3

An mba ki zla manda avorongû, an tining ndak manda kä avorong mi.

Sawal la giled’a 142:4

Ata yima djib’er manda nga ata yat tuo na, ang nga we lovot manda. Lovot ta an nga ni tit kuad’a, a gun nga dauna kä avoronu.

Sawal la giled’a 146:9

Ma didina nga mi ngom angoyogeina, nga mi ndjun ma hokuyod’a katcha d’a modonod’a, wani nga mi b’lak nga hurâ hi suma asa’atnina woyo.

Sawal la giled’a 9:6

Ang nga ngop andjaf suma bei wangâ, ang nga b’lak suma asa’atna woyo, ang nga tchazi simiyêzi woi ki irang fafat gak didin.

Zla d’a d’ogolâ 14:12

Ata yima dingâ sana nga mi djib’er ala tit mamba ni djivid’a. Wani dabid’a ti imî kur matna.

Zla d’a d’ogolâ 15:9

Tita hi sama asa’atnid’a ni vama ndjendjed’a ir Ma didina, wani nga mi le yam sama nga mi tit yam d’ingêrina.

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Matiye 7:13

Jesus mi had’azi kua ala: Agi kalagi ata vun agrek ma mbed’etna, kayam vun agre’â azi ki lovot ta i ata yima bad’id’a ti ni bubud’a, suma a kal i kuana a nablaud’a mi.

Jean 10:14

An ni Ma pol tumiyô ma djivina. D’igi Abun mi wan an wAbun mi na, an we tumiyô mana, tumiyô mana a wan mi. Kayam ndata, an nga ni he tan ndei á matna yam tumiyô mana.

Jean 10:27

Tumiyô mana a nga humun delenu. An waziya, azi nga tit ad’un mi.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.