Sawal la giled’a 1:1 - Bible azumeina

^1-2 Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

Sawal la giled’a 1:1 Iomraidhean Croise

Ad’u Tinda 49:6

An min ndjak vunan ki sed’ezi kur tok mazi d’a gumunda d’i, an min ndjunuzi kur tok mazid’a d’i. Kayam kur hur mazi ma zala azi tchi suma, kur asa’at mazid’a azi ka amuzleina gigilangâziya.

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

1 Amuleina 16:31

Mi golî d’igi ni vama akid’eina iram na á tit bugol tcho d’a Jerobowam Nebat goroma d’a mi lata, mi i ve ni Jezabel Etbäl amul ma Sidon-na goromba, mi nde le sunda malo ma a yum ala Bäl-lâ, nga mi kud’urom mi.

2 Sunda Hamuleinid’a 22:3

Mi tit kur lovot ta tchod’a d’igi suma hi Ahap-ma na, kayam asum ti dum d’al ma tchona.

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Wana ni mbaktumba hi Job-pa 21:16

Gola! Djivi mazid’a naboziya, wani vama ndolon nga ki d’alâ hi suma asa’at ndazinina d’i.

Wana ni mbaktumba hi Job-pa 31:5

Le an tit ki suma ka zlad’a, le asen mi d’es sei atogo kur lovot ta ata yat tuo d’a ni,

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 106:3

Suma a nga tit yam gatina a le furîd’a, suma a nga le sunda yam d’ingêra teteu na a le furîd’a mi.

Sawal la giled’a 112:1

Agi gilegi Ma didina! Sama nga mi le mandara Alonina, mi le furîd’a; sama tam nga d’i lum djivid’a yam vun mam ma hed’ina, mi le furîd’a mi.

Sawal la giled’a 119:115

Agi suma asa’atna, agi hud’ugi sä woi dei ki sed’enu, kayam an ngomî vun ma hed’a hAlo manina.

Sawal la giled’a 144:15

Suma a lazi hina na a le furîd’a; suma Ma didina nAlo mazinina a le furîd’a.

Sawal la giled’a 146:5

Sama Alona hi Jakob-ma nga mi ndjunuma ni ma nga ki furîd’ina; ni ma tin hurum yam Ma didina Alo mamina mi.

Sawal la giled’a 146:9

Ma didina nga mi ngom angoyogeina, nga mi ndjun ma hokuyod’a katcha d’a modonod’a, wani nga mi b’lak nga hurâ hi suma asa’atnina woyo.

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Sawal la giled’a 26:12

Asen nga tchola ad’enga ngingring yam gagazid’a; an mba ni gile Ma didina aduk toka teteng mi.

Sawal la giled’a 34:8

Malaikana hi Ma didinina nga mi kak ndjola yam suma a lum mandarama, mi nga mi sud’uzi woi mi.

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Sawal la giled’a 64:2

Alo mana, an nga ni tchi kangû, ang humunu, ang ngomon abo suma djangû suma an nga ni lazi mandarazina.

Sawal la giled’a 81:12

Wani sum mana a humun nga vunan ndi; Israel-lâ a minin nga d’uo mi.

Sawal la giled’a 84:12

Ma didina, Alo mamina, angî afata, angî mbareid’a, angî ma ve sumad’a, angî ma subur suma, ang nga d’el djivi manga mi suma a nga tit d’ingêr avorongâ d’i.

Zla d’a d’ogolâ 1:15

gorona, ang tit zlapa ki sum ndazina kur lovot ta tud’a d’i. Ang hle lovot ta azi hlata d’i.

Zla d’a d’ogolâ 1:22

Agi suma bei wäd’u zlad’a ba na, agi mba lagi yam bei wäd’u magi ndata hina gak mindja ge? Agi suma las suma, tagi mba d’i lagi djivid’a yam las magi ndata hina gak mindja ge? Agi suma lilid’a, agi mba noyôgi wed’a hina gak mindja ge?

Zla d’a d’ogolâ 13:15

Sama wad’ud’a nga mi mba ki sumad’a, wani lovota hi suma mbut irid’a ti i ni sana kur bad’a.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 19:29

Gata ni yam suma las suma, blafâ ná to suma lilid’a mi.

Zla d’a d’ogolâ 2:12

Ned’a mba d’i prud’ung ngei kur lovot ta tchod’a abo suma a nga de zla d’a ndak á ded’a d’uo d’ina,

Zla d’a d’ogolâ 3:34

Nga mi las suma a nga las sumina, wani nga mi ve suma halasa sumad’a.

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

Zla d’a d’ogolâ 9:12

Le ang mbut sama ned’a ni, ni djivid’a kayam ang tanga, wani le ang mbut sama las suma ni, ang mba hlanek ndata kangî ang tanga.

Jeremi 15:17

An kak nga aduk toka hi suma las suma á san ki sed’ezi d’i. Kayam ad’eng manga, an kak kei van tu, kayam ang oyôn kayî mangâ.

Jeremi 17:7

Wani an nga ni b’e vunan yam sama mi tin hurum kan ma nga mi hal halas mamba atana.

Ezekiyel 20:18

Ma didina mi dala: An de mi grozina abagei hur fulâ ala: Agi tid’igi yam vun ma hed’a habuyogina d’i, agi ngomogi gat mazid’a d’i, agi mbud’ugi tagi ndjendjed’a ki filei mazina d’uo mi.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Wana ni Zla d’a Djivi d’a Luc mi b’irita 23:51

Mi ndjak nga vunam yam nga hur mazina ki sun mazi d’a led’a d’i, nga mi djup mbad’a hAlonid’a á te leu mamba yam andagad’a mi.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

Jean 20:29

Jesus mi dum ala: Ni kayamba ang wanda ba, ang he gagazid’a ni na zu? Suma a wan nduo a he gagazid’a kana, a le furîd’a.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Efes-sâ 6:13

Kayam ndata, ar agi yogi ahle suma dur ayîna hAlonina pet abogiya, kayam agi fagi ad’enga á tchologi á d’elem kur bur ma tchona. Bugol la agi kuzugi yam ahlena peta, agi tchologi ngingring.

Gat ta a hat á mbàd’id’a 14:6

Azurei suma abozi mi graka suma a gihl hatnina pet, agi mud’uziya.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.