Romê-na 12:12 - Bible azumeina

¹² Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 12:12 Iomraidhean Croise

Sawal la giled’a 109:4

An nga ni le od’a kazi pî, a nga tchugun zlad’a kanu. Hina pî, an nga ni tchen yam man suma djangû ndazina.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Sawal la giled’a 40:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Zla d’a d’ogolâ 10:28

Hur ma tinda hi suma d’ingêrîna ni furîd’a, wani hur ma tinda hi suma asa’atnina mba mi dap pei hawa.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Wana ni Zla d’a Djivi d’a Luc mi b’irita 10:20

Kayam ndata, agi lagi furîd’a ala muzuk ma teteng ma tchona mi ge yam kä ad’ugiya na d’i, wani agi lagi furîd’a kayambala simiyêgi mi nga b’ira akulo kur mbaktumba hAlonid’a d’a.

Wana ni Zla d’a Djivi d’a Luc mi b’irita 21:19

Yam ve ta magid’a agi mba sud’ugi tagiya.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Sunda hi suma a sunuzinid’a 1:14

Azi pet a nga toka, a nga tchen Alona ki hur ma tuna zlapa karopma ki Marie Jesus asum ki b’oziyoma mi.

Sunda hi suma a sunuzinid’a 12:5

Azigarâ a nga ngom Pierre kur dangeina, wani suma toka a nga tchen Alona kam ki hat hurâ bei ara ba.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Sunda hi suma a sunuzinid’a 6:4

Wani ami vami tami á tchen Alona, á tchi wal zla mamba mi.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

1 Korente-na 13:13

Ki tchetchemba, ahlena hindi a nga: Gagazi d’a hed’a, hur ma tinda ki od’a. Wani ma kalazi ki ngolina ni od’a.

2 Korente-na 12:8

An tchen Salad’a yan hindi kayam mi pat tugud’ei ndata woi atanu.

Filip-ma 3:1

Wani ki tchetchemba, b’oziyona, agi lagi furîd’a yam Salad’a. An kau nga á hulong dagi ahle suma an b’irigizi dana d’i, ahle ndazina ni vama djivina kagiya.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Tasaloni’â 5:8

Wani ei ni suma hafatina á kagei irei sik. Ar agi tchugugi he gagazi magid’a ki o magid’a atagi d’igi sana mi tchuk kongrongâ atam na, ar agi kulubugi hur ma tin mala ni sut magid’a na kagi d’igi sana mi kulup djumba kam na mi.

2 Tasaloni’â 1:4

Kayam ndata, ami nga suburumi tami kur Tok ka tetenga hAlonid’a kagi yam ve ta magid’a ki he gagazi magi d’a kur ndakid’a ki djop vun ma agi nga kurâ mi.

2 Tasaloni’â 3:5

Ar Salad’a mi minigi hurugi á le od’a yam Alona ki ve ta d’a Christ mi heizid’a.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Wana ni mbaktum mba Paul mi b’irit mi Tit-ta 3:7

Ni kayam suma mamba ba, mi mbud’i suma d’ingêrâ avoromu, kayam ei fei ari d’a didin nda ei tini huri kata.

Hebre-na 10:32

Wani agi djib’eregi yam bur ma avo’â. Ata yima agi wagi b’od’a hAlonid’ina, agi vagi tagi ad’enga kur ndjiget ta ngola ki djop vuna.

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Hebre-na 6:12

Kayam ndata, ami minimi ala agi lagi azulomba d’i, wani agi lagi d’igi suma a he gagazid’a suma a ve tazi á ve vama Alona mi hle vunam kama na.

Hebre-na 6:15

Kayam ndata, Abraham mi ve tam ad’enga gak mi fe vama Alona mi hlum vunam kama.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

1 Pierre 4:13

Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

2 Pierre 1:6

agi d’elegi tagi yam d’od’ok ka tchod’a, agi vagi tagi á tit balum asem Alona bei tad’a tchuk lus ba,

Vama ndum mbeina 13:10

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.