Nehemi 9:37 - Bible azumeina

³⁷ Nga d’i zul ahligiyet mamulei suma ang hazi ad’enga á te kamina kayam tcho mamid’a. A nga te kami ki d’uwar mamina kur min mazid’a. Ami nga kur ndak ka ngola mi.

Nehemi 9:37 Iomraidhean Croise

Esdras 4:13

Amulâ, ang we woi tetet ala le azi min wa azì máma ki gulumun mama akulo ni, azi mba wuragang bege d’a a ngazizi kazid’a, d’oze tara, d’oze bege d’a a i kakoid’id’a d’uo mi. Hina wani, ang mba fe va kur aziyang ma amula tu d’i.

Esdras 6:8

Wana ni vun ma he ma an hagizi yam ahle suma agi ndjunugi ki suma nglo suma Juif-fâ á min gong nga kud’ora hAlonid’ina: Agi yogi ni beged’a hamulîd’a, bege d’a tar ra agi vad’ï woi abo alum ma Efrat-na woi hid’a pî, agi hazizi á gus ahlena tala sun mazid’a ti d’el luo d’a.

Esdras 7:24

Kayam ndata, ami nga vagi ad’ud’a woi ala ar agi vagi bege d’a ngat yam sumid’a, d’oze tara, d’oze bege d’a a i kakoid’id’a, abo suma ngat buzuna, d’oze abo suma hi Levi-na, d’oze abo suma hle sawala, d’oze abo suma a ngom vun gongîyonina, d’oze abo suma Netin-na ki magumei suma a le sunda kur gong nga kud’ora hAlonid’ina d’i.

Nehemi 5:8

An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.

Hor ma tchina 5:5

Suma a djobomi vunamina a nga tchola huyogomiya, ami seyêmiya, azi arami nga á tuk tami d’i.

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Jean 8:33

Azi hulong dum ala: Ami nandjafâ hi Abraham-ma, ami lami nga magom mi sa yami tu d’i. Ni nana ba, ang dala ang mba mbud’umi gro vuta ge?

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Gat ta a hat á mbàd’id’a 28:39

Agi mba pagi guguzlud’a, agi mba lat sunud’u, wani agi mba tchat sumut ti, agi mba dud’ut vud’ut tuo mi, kayam ndjuvulâ mba mi dabat ted’a.

Gat ta a hat á mbàd’id’a 28:48

agi mba lagi magomba mi magi suma djangû suma Ma didina mba mi sunuzi atagina ki meid’a ki vun ma sod’a ki gandilad’a. Agi mba kid’agagi woi ata ahlena pet. Ma didina mba mi gagi djuk ma kaweina kelegi gak agi mba dabagi woyo.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.