Nehemi 9:32 - Bible azumeina

³² Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Nehemi 9:32 Iomraidhean Croise

1 Amuleina 8:23

mi dala: Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

2 Amuleina 15:19

Pul amul ma Asiri-na mi mba á dur ayîna kandaga d’a Israel-la, wani Menahem mi hum kawei ma hapma tonna dok hindi á ndjunum á siram ad’u amul mamba kä ngingring.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

2 Amuleina 17:3

Salmanasar amul ma Asiri-na mi mba mi dur ayîna ki Ose. Ose mi hulong ge yam kä ad’umu, mi hum tara.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 23:29

Kur atchogoi mamba, Faron Neko amul ma Ezipte-na mi i ki azigar mama avun alum ma Efrat-na á ndjun amul ma Asiri-na. Wani amulâ Josiyas mi min ndi, mi ngavam vunam á durâ. Kid’a Faron mi wumba, mi tchum Megido.

2 Amuleina 25:7

A ngat Sedekiyas groma iram kä na. Bugola, Nebukanezar mi tcho ir Sedekiyas seyo, mi gum kawei ma hleuna aleina asemu, mi im Babilon.

Esdras 4:10

zlapa kandjaf suma ding suma Osnapar ma suma a nga hum ngolina mi yozi mi tchuguzi ka hî kur azì ma ngol ma Samari-na ki suma ding suma sä woi abo alum ma Efrat-na abo hina. (Ahle suma dingâ a ar tua mi.)

Esdras 4:2

a mba gen Zorobabel ki suma nglo sumazina, a dazi ala: Ar ami minimi gong nga kud’ora ki sed’egiya, kayam ami nga kud’uromi Alo magina d’igi agi nga kud’urom na mi. Ami nga hum he d’a hawad’a ni kur atchogoi d’a Esar-Hadon amul ma Asiri-na mi mbami ka hid’a dei.

Esdras 9:13

Ang Alo mamina, ndak ndata ti mba kami hina pet ni yam sun nda tcho d’a ami lata ki tchila mami d’a ngol la kal teglesa. Hina pet pî, ang ngobomi nga ngad’a yam tcho mami ndata d’i, wani ang ar suma a arâ adigami ami suma kä wana tcha.

Nehemi 1:5

An dum ala: Ma didina Alo ma akulona, Alo ma ngol ma kal papana, ang nga ngom vun ma djin mangâ ki suma a nga ge yazi kä ad’u vun mang ma hed’ina, ang nga we hohowa suma a nga le kangâ mi.

Sawal la giled’a 47:2

Agi suma pet, ar agi tchagi abogi ririp, agi lagi furîd’a, agi suburugi Alona ki delegi akulo.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Sawal la giled’a 66:5

Agi mbeyegï gologi sunda hAlonid’a. Ni sun nda ndandal la nga mi lat yam sumid’a.

Buzuk ka Abud’a 18:8

Moise mi väd’u ahle suma Ma didina mi lazi ki Faron ki Ezipte-na yam Israel-lîna, ki ndak ka pet ta ti fazi glovot ta Ma didina mi pad’azi woi kura.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Daniel 9:4

An tchen Ma didina Alo mana, an dum mbei yam tchod’a, an dum ala: Salad’a, angî Alo ma ngol ma suma a nga lang mandarangâ, angî ma nga ngom vun mang ma djindina, ang nga le o d’a bei dabid’a yam suma a nga le kang suma a nga ngom vun mang ma hed’ina mi.

Daniel 9:6

Ami humumi nga azungeî mang suma djok vun suma a de zlad’a ki simiyêng mamulei mamina, mi mami suma nglona, mabuyomi ngolo ki suma kur ambasa petna d’i.

Daniel 9:8

Gagazi, Salad’a, zulona nga mi lami ami kamulei mamina ki mami suma nglona kabuyomi ngolo yam tcho d’a ami langzid’a.

Sunda hi suma hi Levi-nid’a 26:18

Le an lagi ahle ndazina hina pet ba, agi humugi nga d’uo ni, an mba ni ngobogi ngo-ngop yan kid’iziya yam tcho magid’a.

Sunda hi suma hi Levi-nid’a 26:21

Le agi tchologi ad’enga agi min humun nduo ni, an mba ni tumugi ki tugud’ei d’a tcho d’a tchi matna tutum yan kid’iziya ndak yam tcho magid’a.

Sunda hi suma hi Levi-nid’a 26:24

an mba ni tchol ad’enga ki sed’egi mi, an mba ni tumugi tutum yan kid’iziya yam tcho magid’a.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Gat ta a hat á mbàd’id’a 7:12

Wani ata yima agi humugi vun mam ma hed’ina, le agi ngomomu, le agi nga tid’igi kam mi ni, Ma didina Alo magina mba mi ngom vun mam ma djinda ki djivi mam mba mi hle vunam kat mabuyogi ngolod’a ki sed’egi mi.

Gat ta a hat á mbàd’id’a 7:13

Mba mi le kagiya, mba mi b’e vunam kagiya, mba mi zulugiya, mba mi zulugi grogina mi. Andaga magid’a mba d’i wul ahlena, nala, awuna, süm guguzlud’a ki mbul olifâ, mba mi zulugi amuzleina kaho’â yam ambas sa mi gun tam kat mabuyogi ngolo á hagizid’a.

Gat ta a hat á mbàd’id’a 7:21

Ar agi zlagagi avorozi d’i, kayam Ma didina Alo magina mi nga adigagiya. NAlo ma ngol ma suma a lum mandarama.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.