Nehemi 9:28 - Bible azumeina

²⁸ Ata yima azi nga kur halasina, a hulong le tchod’a avorongû. Ni hina ba, ang arazi abo mazi suma djangûna; a te kaziya. Wani a hulong a tchi kang kua d’ei, ang tang humuzï akulo d’ei, yam we hohou mang nga ngola, ang sud’uzi woi yang dodogo.

Nehemi 9:28 Iomraidhean Croise

1 Amuleina 8:39

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

Sawal la giled’a 106:42

Mazi suma djangûna a lazi ndaka, azi ge yazi kä ad’u ad’eng mazid’a mi.

Sawal la giled’a 136:24

Ni ma prud’i woi abo suma a nga djobei vuneina, kayam o mamba nga d’i dap pi.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Suma ka sariyad’a 2:19

Wani kid’a ma avorozina mita, azi hulong a le tcho d’a ding nga kala habuyozi ngolod’a, a zlap kalo ma dingâ teteng, a kud’uromu, a grif kä avorom mi. A ar nga sun mazi d’a tcho ndata d’oze hur mazi ma b’ala ki so vun mazina woi d’i.

Suma ka sariyad’a 3:30

Kur bur máma suma Mowap-ma a hulong yazi kä ad’u Israel-lâ. Ambasa ti kak ki halasa gak bizad’a dok klavandi.

Suma ka sariyad’a 4:1

Bugol matna hi Ehut-na, Israel-lâ a nde le sun nda ding nga Ma didina tam nga d’i lum djivi kat tuo d’a.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.