Nehemi 9:20 - Bible azumeina

²⁰ Ang hazi Muzuk mang ma djivina á mbud’uzi suma ned’a, ang d’elezi nga man ma ang hazizi á ted’ina d’i, ang hazi mbina yam vunazi ma sona mi.

Nehemi 9:20 Iomraidhean Croise

Nehemi 9:30

Ang ve tang ki sed’ezi kur bizad’a ablaud’a, ang gigid’ezi ki Muzuk mangâ ki mang suma djok vuna mi. Wani azi tin nga humazi d’i. Ata yi máma ang hazi woi abo andjaf suma dingâ.

Sawal la giled’a 105:41

Mi mal ir ahinad’a, mbina buzuk keyo, mi djang hur ful ma gangrasâ d’igi aluma na.

Sawal la giled’a 143:10

Ang had’an á le min manga, kayam angî Alo mana. Ar Muzuk mang ma djivina mi tinin yam andaga d’a abo tat tud’a.

Buzuk ka Abud’a 16:15

Israel-lâ a golomu, a de tazi ala: Ni me na ge? Kayam azi wum nga ala ni va hî d’i. Moise mi dazi ala; Navungô ma Ma didina mi hagizi á ted’ina.

Buzuk ka Abud’a 16:35

Israel-lâ a te manna gak bizad’a dok fid’i, gak a mba yam ambas sa suma a nga kaka kata. A te manna gak a mba avun haga d’a Kanan-nda.

Buzuk ka Abud’a 16:4

Ma didina mi de mi Moise ala: Gola! An nga ni yagagi avungôna ei akulo. Suma a mba buzuk á yom burâ ki burâ ndak yam te mazi ma burâ tuna, kayam an ni kuguziya, an ni waziya, na ni a mba tit yam gat manda d’oze a mba tit kat tuo zu?

Buzuk ka Abud’a 17:3

Sum ndazina vun ma sod’a mi kal ataziya, a nga gureî yam Moise, a dum ala: Ni kayam me ba, ang buzugumï woi kur Ezipte á tchami woi ki vun ma sod’a ki gromina ki d’uwar mamina mi ge?

Buzuk ka Abud’a 17:6

Gola! An nga ni tchol sä avorong sä hî yam ahina d’a Horep-pa. Ang mba wat ahinad’a, mbina mba mi djang ngei irad’u, suma a mba tchumu. Moise mi le hina ir suma nglo suma Israel-lâ.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Wana ni mbaktumba hi Aze-d’a 2:5

Agi djib’eregi yam vun ma djin ma an Ma didina ni djinim ki sed’egi ata yima agi buzugugï woi kur Ezipte ma ala Muzuk mana mi nga adigagiya, ar agi lagi mandar ruo na.

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Romê-na 15:30

B’oziyona, an nga ni tchenegi ki simiyê Saleina Jesus Christ ki o d’a Muzu’â hAlonina mi heizid’a, ar agi zlabagi ki sed’en agi tchenegi Alona kan ngola.

1 Korente-na 10:3

Azi pet a te ni tena hAlonina.

Efes-sâ 5:9

Kayam sama nga kur b’od’ina nga mi landjaf sun nda djivi d’a lara ge pet ki d’ingêra ki gagazid’a mi.

Josue 5:12

Tcha yorogod’a azi te te ma yam ambasina, manna ad’um ka; Israel-lâ a fum nga d’uo d’a. Kur biza ndata azi te ni te ma kur ambas sa Kanan-ndina.

2 Pierre 1:21

Kayam zla d’a suma djok vun Alona a data ti mba nga nata minda hi sa d’i, wani ni Muzuk ma bei tchod’a ba na ba, mi zud’uzi ni mam á de zla d’a tcholï ata Alonid’a woyo.