Nehemi 9:2 - Bible azumeina

² Kid’a andjaf Israel-lâ a wal tazi woi kangoyogeina peta, a i a de tcho mazi d’a azi lata woi ki d’a habuyozid’a mi.

Nehemi 9:2 Iomraidhean Croise

1 Amuleina 8:47

le azi djib’er wa kuruzi yam andaga d’a a izi magomba kuad’a, le a tcheneng wa ala: Ami tchilami yam zla manga, ami lami tchod’a, ami lami ni sun nda ata yat tuo d’a,

Esdras 10:11

Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.

Esdras 6:21

Israel suma a mbeï avo kur magombina a te Pa’â, zlapa ki suma pet suma a wal tazi woi ki ndjendjed’a hi suma bei wAlonid’a suma a zlap ki sed’ezi á hal Ma didina Alona hi Israel-lîna.

Esdras 9:1

Bugol ahle ndazina, suma nglona a mba geven a dan ala: Israel-lâ, suma ngat buzuna ki suma hi Levi-na a wal nga kandjaf suma ding suma kur ambas sa wanda ki ndjendje mazi d’a a nga lata d’i, nala, ndjendjed’a hi suma Kanan-nid’a, hi suma Het-nid’a, hi suma Peris-sîd’a, hi suma Jebus-sîd’a, hi suma Amon-nid’a, hi suma Mowap-mid’a, hi suma Ezipte-nid’a ki d’a hi suma Amor-rîd’a mi.

Esdras 9:15

Ang Ma didina Alona hi Israel-lîna, angî Ma d’ingêrâ, kayam ang ar suma a arâ adigami ini tcha. Gola! Ami nga avorong ka hî ki tcho mamid’a, ami ndak á tchol avorong ki tcho ndata d’i.

Esdras 9:2

Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Nehemi 1:6

Ar ang mbud’ï irang kanu, ang tin humang hum tchen nda an azong mangâ nga ni tchenenga. An nga ni tcheneng ki tchetchemba andjege ki falei yam azungeî mang suma Israel-lâ, an nga ni dang woi yam tchod’a hi ami Israel-lîd’a. An kabuyon ngolo, ami lami tchod’a avorong mi.

Nehemi 10:28

Ablau suma pet, suma ngat buzuna, suma hi Levi-na, suma ngom vun gongîyona, suma hle sawala, suma Netin-na ki suma a wal tazi woi ki kangoyogeina pet á tit bugol Gata hAlonid’ina zlapa kamiyôzina, grozi suma andjofâ, grozi suma aropma ki suma ne suma ndak á wäd’u zlad’ina mi,

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Nehemi 13:3

Ata yima Israel-lâ a hum gatina, a wal tazi woi kangoyogeina.

Nehemi 13:30

An mbud’uzi woi yed’et kur sun nda azi lat kandjaf suma dingîd’a, an tin gat ta ad’eng nga ndak ka suma ngat buzuna ki suma hi Levi-na a ngomota nge nge pî kur sun mamba,

Sawal la giled’a 144:11

Ang sud’un ndeyo, ang prud’un ndei abo angoyogei suma a nga de zla d’a irat tuo suma a nga hlabozi ma ndjufâ akulo á gun tazi ir gurzulina.

Sawal la giled’a 144:7

Ang mad’ï abong akulo, ang pad’an ndeyo, ang sud’un ndei aduk mbiyo ma nglona, abo angoyogei

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Isai 2:6

Ma didina, ang ar mang suma hi Jakob-ma woyo, kayam azi nga tuwal fileina ngola d’igi suma abo ma yorogona na, a nga djop fileina d’igi suma Filistê-na na, kayam azi zlap darigïd’a kandjaf suma dingâ mi.

Jeremi 14:20

Ma didina, ami wami asa’at mamid’a ki tchod’a hi simiyêmid’a, kayam ami lami tchod’a avorongû.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Daniel 9:20

An nga ni de zlad’a tua, an nga kur tchenda, nga ni de tcho manda woi ki tchod’a hi man suma Israel-lâ, an nga ni tchen Salad’a Alo mana tchen nda hud’a yam ahina mam mba mi tinit irat vata.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.