Nehemi 9:19 - Bible azumeina

¹⁹ Yam we hohou mang nga kal teglesa ang arazi nga woi abagei hur fulâ d’i. Ang arazi nga bei tinizi d’ugula avorozi gongzong kur tit mazi d’a faleid’a d’i, ang arazi nga bei tinizi akud’a avorozi gongzong á b’o lovota woi avorozi kur tit mazi d’a andjeged’a d’uo mi.

Nehemi 9:19 Iomraidhean Croise

Nehemi 9:12

Ki faleid’a ang tinizi d’ugula tchola avorozi gongzong, andjege ang tinizi akud’a tchola avorozi gongzong á b’o lovota woi avorozi á tita.

Nehemi 9:27

Ni kayam ndata ba, ang arazi abo mazi suma djangûna, a lazi ndaka. Wani ata yima azi nga kur ndakina, a tchi kangû, ang tang humuzï akulo dei. Yam we hohou mang nga ngola, ang hazi suma a prud’uzi woi abo mazi suma djangûnina.

Nehemi 9:31

Wani yam we hohou mang nga ngola, ang dabazi nga woi tchid’a d’i, ang arazi nga woi d’uo mi, kayam angî Alo ma sumad’a, ni ma we hohou sumina mi.

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 136:16

Ni ma buzuk sum mama woi abagei hur fulîna, kayam o mamba nga d’i dap pi.

Buzuk ka Abud’a 40:36

Ata yima d’ugula tan ndeina, Israel-lâ a tchol id’a ad’u andjavazi ad’u andjavaziya.

Buzuk ka Abud’a 40:38

Ki faleid’a d’ugula hi Ma didinid’a nga kulupa yam zlub’ud’a. Kandjeged’a akud’a hi Ma didinid’a nga yam Israel-lâ ad’u andjavazi tutu pet mi.

Isai 44:21

Ma didina mi dala: Agi Israel suma hi Jakob-ma, ar agi maragi d’i. Agi nazungeî mana, an minigi kayam agi kagagi azungeî mana. Agi Israel-lâ, an mba ni mar kagi d’i.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Ezekiyel 20:14

Wani an le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:17

Wani an wazi hohowoziya, ni tchazi nga woi d’i, ni dabazi nga woi hur fulâ d’uo mi.

Ezekiyel 20:22

Wani an hulong ni gabon kä, ni le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Daniel 9:18

Alo mana, ang tin humang ang huma, ang mal irang ngeyo, ang gol b’lak mamid’a ki b’laka hazì ma ngol ma simiyêng nga mi yi kuana, nga ni yam sun mami d’a d’ingêra ba, ami nga tcheneng tchen nda hu d’a wanda d’i. Ni yam we hohou mang nga ngola hol.

Daniel 9:9

Ang Salad’a Alo mamina, we hohoud’a ki hur ma vata a tcholï natangû, kayam ami song vunangû.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Ndumba 14:14

a de zla ndata mi suma kur ambas ndatina. Kayam ndata, azi hum ala ang Ma didina nga aduk sum mangâ, ang tagazi tang ira ki ira, ang tin d’ugul manga akulo kaziya, ang nga tit avorozi falei kur d’ugul la tchola gongzonga, ang nga tit andjege avorozi aduk aku d’a tchola gongzonga mi.

Gat ta a hat á mbàd’id’a 8:2

Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.