Nehemi 9:17 - Bible azumeina

¹⁷ Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

Nehemi 9:17 Iomraidhean Croise

1 Amuleina 6:13

An mba ni kak kur gong nga wanda aduk Israel-lâ, an mba ni ar man suma Israel-lâ woi d’i.

1 Amuleina 8:57

Ki tchetchemba, an nga ni tchen Ma didina Alo meina mi kak ki sed’ei d’igi mi kak kabuyoi ngolo na, mi arei woi d’uo mi na, mi noyoî woi d’uo mi.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Nehemi 9:31

Wani yam we hohou mang nga ngola, ang dabazi nga woi tchid’a d’i, ang arazi nga woi d’uo mi, kayam angî Alo ma sumad’a, ni ma we hohou sumina mi.

Sawal la giled’a 106:13

Wani atogo hina zak azi mar rei yam sun mamba, azi djup nga á wäd’u d’al mam ma mi dazizina d’uo mi.

Sawal la giled’a 106:7

Abuyomi ngolo a we nga ad’u sun nda ndandal la ang lat sä avo Ezipte-d’a d’i, azi mar rei yam o d’a ngol la ang lat kazid’a, azi song vunang avun alum ma ngolâ, avun alum ma ngol ma Tchereuna.

Sawal la giled’a 130:4

Wani angî ma vat hurung ngei yam sumina. Ni kayam ndata ba, ami nga hungû.

Sawal la giled’a 78:10

kayam azi ngom nga vun ma djin ma Alona mi djinim ki sed’ezina d’i, azi noî a tit yam gat mamba mi.

Sawal la giled’a 78:11

Azi mar yam sun nda nglo d’a mam lata, yam sun mam mba atchap pa mam tagazizid’a mi.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Buzuk ka Abud’a 32:9

Ma didina mi de mi Moise kua ala: An we sum ndazina; ni suma bei hum vuna.

Zla d’a d’ogolâ 1:24

An yagiya, agi noyôgiya; an lagi abonu, sa tu pî mi tin nga humam yam zla ndata d’i.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 19:15

Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam azì ma ngol ma wana kazì ma nglo ma nguyuma pet. Ni ndak ka lara ge d’a an dat kamba, kayam azi tos humazi woi á hum zla manda.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Ezekiyel 5:6

Suma kuruma a tchila yam vun man ma hed’a ki gat manda, asa’ata kal andjaf ma dingâ kambas sa nguyuzid’a, kayam a ar vun man ma hed’a woyo, a tit nga yam gat manda d’uo mi.

Daniel 9:9

Ang Salad’a Alo mamina, we hohoud’a ki hur ma vata a tcholï natangû, kayam ami song vunangû.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Sunda hi suma hi Levi-nid’a 26:44

Wani fata an mba ni izi kur ambasa hi mazi suma djangûnid’a, an mba ni arazi woi ki iran fafat ti, an mba ni golozi is gak mba ni dabazi woi d’i, an mba ni but vun man ma djin ma an djinim ki sed’ezina woi d’uo mi, kayam an ni Ma didina Alo mazina.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Ndumba 14:11

Ma didina mi de mi Moise ala: Sum ndazina a mba son vunan hina gaga’î mindja ge? Ahle suma simat suma an nga ni lazi adigazina hina pet pî, azi nga he gagazid’a kan nduo hina gaga’î mindja ge?

Ndumba 14:41

Moise mi dazi ala: Ni kayam me ba, agi tchilagi yam vun ma hed’a hi Ma didinina ge? Agi mba ndagagi d’i.

Ndumba 16:14

Ang imi nga kur ambas sa ambira ki mbul ayuma a nga sor kä kuad’a d’i! Ang hami nga asinena ki guguzlud’a djona d’i! Ang djib’er ala sum ndazina a ni duka zu? Ami min imi d’i!

Sunda hi suma a sunuzinid’a 7:39

Wani abuyoi ngolo a min ge yazi kä ad’um mbi. A noyôm mbeyo, a hulong tin huruzi yam Ezipte.

Romê-na 9:15

Kayam mi de mi Moise ala: An mba ni we hohowa sama an min wum hohowoma, an mba ni hat hurun yam sama an min hat hurun kama mi.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.