Nehemi 8:9 - Bible azumeina

⁹ Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.

Nehemi 8:9 Iomraidhean Croise

2 Amuleina 22:11

Ata yima Josiyas mi hum zla d’a kur Mbaktum mba Gatid’a, mi haû baru mama woi atamu.

2 Amuleina 22:19

Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na.

2 Sunda Hamuleinid’a 15:3

Israel-lâ a le bizad’a ablaud’a bei Alo ma gagazina adigaziya, bei ma ngat buzu ma mi had’azina, bei gat mamba adigazi mi.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

2 Sunda Hamuleinid’a 34:19

Ata yima amulâ mi hum zlad’a hi gatid’ina, mi haû baru mama woi atamu.

2 Sunda Hamuleinid’a 34:21

Agi i djobogi Ma didina kan an ki Israel suma a arâ ki suma Juda suma a arâ yam zla d’a kur mbaktum mba a fat wanda. Kayam Ma didina hurum mi zal kei ngola ni kayambala abuyoi ngolo a ngom nga zla mamba, a le nga sunda yam zla d’a pet ta a b’irit kur mbaktum ndata d’uo d’a.

2 Sunda Hamuleinid’a 35:3

Mi de mi suma hi Levi suma a nga hat Israel-lâ pet suma a tin tazi irat vat yam Ma didinina ala: Agi djogogi zanduk ma a tinim iram vama kur gong nga Salomon David amul ma Israel-lâ goroma mi minita, agi hlagizi kelegi d’uo d’a. Ki tchetchemba, agi lagi sunda mi Ma didina, mi mam suma Israel-lâ mi.

Esdras 2:63

Ma te yamba mi he vuna ala a tahle suma ngat buzu suma a tinizi irazi vazina d’i gak ma ngat buzuna mi djop Alona ki Urima ki Tumima tua.

Esdras 7:11

Wana ni mbaktum mba amulâ Artazerses mi hat mi Esdras ma ngat buzu ma we gatina, ni ma nga mi hat vun ma he ma Alona mi hum mi Israel-lîna:

Nehemi 10:1

Suma a tin simiyêzi kur mbaktumbina ba wana: Ma te yamba Nehemi Hakaliya goroma,

Nehemi 12:26

Azi ni suma a le sun mazid’a kur atchogoid’a hi Jojakim Josue gorom ma Josadak gorom ngolonina, natchogoi d’a Nehemi ma te yamba azi ki ma ngat buzuna Esdras ma we gata heîna a nga kura.

Nehemi 7:65

Ma te yamba mi he vuna ala a tahle suma ngat buzu suma a tinizi irazi vazina d’i, gak ma ngat buzuna mi djop Alona ki Urima ki Tumima tua.

Nehemi 7:70

Sumazina ablaud’a a he he d’a hawad’a á min gong nga kud’ora hAlonid’a min nda awilid’a. Ma te yamba mi he bege d’a lora 1000 he d’a hawad’a zlapa ki kopma 50 ki baru d’a suma ngat buzuna a tchugut atazid’a 530.

Nehemi 8:2

Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Sunda hi suma hi Levi-nid’a 23:24

Ang i de mi Israel-lâ ala: Kur bur ma avo’â hi til ma kid’iziyanina, ni bur ma agi mba lagi vun tilâ kuana, ni bur ma agi mba gagi humba kadif fa bud’a kuana mi. Ni tok ka a tinit irat vat á kud’uronda.

Malatchi 2:13

Wana ni vama ding ma agi nga luma: Agi nga tchigi ata yima ngal ahle suma ngat buzuna hi Ma didinina ki simina iragi ki yor tad’a mi, kayam mam nga mi tin iram yam he d’a hawa magi d’a ngat buzuna d’i, nga mi ve va abogi d’uo mi.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Romê-na 7:9

Adjeu d’a gata ti nga kan nduo d’a, an nga karid’a. Wani ata yima vun ma hed’a hi gatina mi mbana, tchod’a ti mbut arid’a,

Gat ta a hat á mbàd’id’a 12:12

Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Gat ta a hat á mbàd’id’a 26:14

Kur yor ta mamid’a, ami tami nga va kur ahle ndazina d’i, ami lami nga ki sed’ezi vama ndjendje d’uo mi, ami hamizi nga yam zla d’a mat tuo mi, ami gami yami kä ad’u vun ma hed’a hi ang Ma didina Alo mamina, ami lami sunda yam ahlena pet suma ang hami vuna kazina.

Jacques 4:9

Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.