Nehemi 8:3 - Bible azumeina

³ Esdras mi nga tchola avun agrek ma i ki yima mbinina, mi tin ad’u ndum mbaktumba yorogo dei gak faleya, avok andjofâ karopma ki suma a ndak á hum zlad’ina. Suma pet a nga kaka tchugot á hum gat ta mam nga mi ndumuta.

Nehemi 8:3 Iomraidhean Croise

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Nehemi 13:1

Kur biza ndata a ndum mbaktumba hi Moise-sa avok suma, a fe b’ira kä ala: Suma Amon-na ki suma Mowap-ma a kal kur toka hAlonid’a d’i.

Nehemi 8:1

Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa.

Nehemi 8:18

A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.

Nehemi 8:4

Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi.

Nehemi 8:5

Esdras mi mal mbaktumba woi avok suma pet, kayam mam nga tchola akulo yam suma pet. Kid’a mi mal mbaktumba woid’a, suma pet a tchol akulo kaseziya.

Marik 12:37

David tamba nga mi yum ala Salana. Ni nana ba, Mesi mi mbut goroma ge?

Wana ni Zla d’a Djivi d’a Luc mi b’irita 19:48

Wani a fe nga lovota á lum va d’i, kayam suma pet a humî zla mamba.

Wana ni Zla d’a Djivi d’a Luc mi b’irita 8:18

Agi gologi tagi djivi yam vama agi humugizina. Kayam sama lara pî ma nga ki va aboma, a mba hum kam kua, wani sama lara pî ma nga ki va abom mbuo na, a mba hle vama mam mi djib’er ala ni mama na woi abomu.

Sunda hi suma a sunuzinid’a 13:15

Bugol la a ndum mbaktum mba gata ki mbaktum mba suma djok vun Alona a b’irita ndumba, suma nglona hi gong nga toka hi Juif-fîd’a a sun ataziya, a dazi ala: B’oziyomina, le agi nga ki zlad’a á giget suma toka ni, agi dagiya.

Sunda hi suma a sunuzinid’a 13:27

Suma a nga kaka kur Jerusalem-ma ki mazi suma nglona a we nga Jesus d’i, a we nga zlad’a hi suma djok vun Alona d’a azi nga ndumut teteu kur bur ma sabatnid’a d’uo mi. Wani azi ndak vun sariya d’a a kamzi kamba.

Sunda hi suma a sunuzinid’a 15:21

Kayam me, kur atchogoi d’a kala gak ki tchetchem, suma a nga tchi wala yam gata hi Moise-sa kur azì ma ngol ma lara ge pet, a nga ndum mbaktum mamba kur gongîyo suma toka hi Juif-fîna, kur bur ma sabat ma lara ge pet.

Sunda hi suma a sunuzinid’a 16:14

Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Sunda hi suma a sunuzinid’a 20:11

Kid’a Paul mi hulong djak akulod’a, mi mbruk avungôna kä, mi te, mi dazi zla d’a fiyaka gak yina fo. Bugol ndata, mi iya.

Sunda hi suma a sunuzinid’a 20:7

Kur bur ma dimasâ, kid’a ami nga toka á mbruk avungônid’a, Paul mi had’azi zlad’a ngola. Kayam mi nga hurum ala le yina mi fo wa ni, mam iya, mi dazi zlad’a gak andjege dangâla.

Sunda hi suma a sunuzinid’a 28:23

Kid’a azi ngam burîd’a, suma ablaud’a a mba fum ata yima mam nga kaka kuana. Mi vazi ad’u zla ndata, mi lazi glangâsâ yam leud’a hAlonid’a, nga mi vazi ad’ud’a kur gata hi Moise-sa, kur mbaktumba hi suma djok vun Alonid’a yam Jesus. Mi tin ad’ud’a ki yorogod’a dei gak afata niga.

Gat ta a hat á mbàd’id’a 31:9

Moise mi b’ir gat ndata, mi hat mi suma ngat buzuna andjafâ hi Levi suma a nga zi zanduk ma vun ma djinda hi Ma didinina mi nga kuana ki suma nglona hi Israel-lîna pet.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Josue 8:35

Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.

Vama ndum mbeina 2:29

Sama nga ki humbina, ar mi hum vama Muzu’â hAlonina nga mi dum mi Tokina.

Vama ndum mbeina 3:22

Sama nga ki humbina, ar mi hum vama Muzu’â hAlonina nga mi dum mi Tokina.