Nehemi 6:16 - Bible azumeina

¹⁶ Kid’a mami suma djangûna pet a hum hina d’a, andjaf suma ding suma a nguyumina pet a mbut mandarâ, a hulong yazi kä yam taziya, a wala sun ndata ti le ni ata minda hAlo meinid’a.

Nehemi 6:16 Iomraidhean Croise

Nehemi 2:10

Kid’a Sanbalat ma Horon-na ki ndram ma sunda Tobiya ma Amon-na a hum zla ndatid’a, huruzi zal ngola, kayam an mba á hal djivid’a hi Israel-lîd’a.

Nehemi 4:1

Kid’a Sanbalat mi hum ala ami nga minimi gulumuna akulod’a, hurum zal ngola, nga mi hat hurum heî mi.

Nehemi 4:7

Wani ata yima Sanbalat ki Tobiya ki suma Arap-ma ki suma Amon-na ki suma Asdot-na a hum ala minda hi gulumun ma Jerusalem-ma nga i avogovogo, hod’ol mamba nga d’i duk kei mi d’a, huruzi mi zala.

Nehemi 6:17

Kur bur máma suma nglo suma Juda-na a sun mbaktumba mi Tobiya yazi ablaud’a, Tobiya pî mi sunuzi mbaktumba hina mi.

Sawal la giled’a 109:27

Ar a wala ni ang Ma didina ba, lahle ndazina kan kabongû.

Sawal la giled’a 126:2

Ata yi máma siyami nga ngad’a woi ki sanda hina ges, ami nga hlami sawal la bangâna ki furîd’a mi. Andjaf suma pet a nga dala: Ma didina mi lahle suma ndandalâ ki sed’eziya!

Sawal la giled’a 129:5

Ar suma a noî Siyon-na pet a mbut zulona, a hulong kazigaziya,

Sawal la giled’a 147:2

Ma didina nga mi hulong min Jerusalem akulo, nga mi tok Israel suma a i mbeïd’ina avo,

Buzuk ka Abud’a 14:25

Mi d’elezi abo pus mazi ma dur ayîna á djangâ, nga mi pret ti. Ata yi máma Ezipte-na a dala: Ei ringî woi avok Israel-lâ, kayam Ma didina nga mi duri kaziya!

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Ndumba 23:23

Kumana nga mi landjafâ hi Jakob-ma va d’i. Sama djop fileina nga mi le Israel-lâ va d’uo mi. Ata atchogoi d’a a ngata a mba de mandjafâ hi Jakob-ma nala Israel-lâ ala: Wana ni sunda hAlonid’a!

Sunda hi suma a sunuzinid’a 5:38

Ki tchetchemba, an nga ni dagiya, agi halagi ad’u sum ndazina d’i. Agi arazi a iya. Le zla mazid’a ki sun mazid’a, le ni hi sumid’a ni, mba d’i dap peyo.

Josue 2:11

Ata yima ami humumi zla ndatina, ad’engêmi nga d’uo d’a. Nge nge pî hurum ka mbina avorogiya, kayam Ma didina Alo magina nAlo ma sä kur akulod’ina ni Ma yam andagad’a ka hina mi.

Josue 2:9

ti dazi ala: An wala Ma didina mi hagiya wa ambas sa wanda abogiya; mandaragi mi vamiya wa batei. Suma kur ambas sa wandina pet a tchuk wa susub’ok abogiya.

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.