Nehemi 6:11 - Bible azumeina

¹¹ An hulong ni dum ala: Sama d’igi an na ni ring zu? Sama d’igi an na na ni ndak á kal kur gong nga kud’ora hAlonid’a á sut tandju? An nga ni kal li!

Nehemi 6:11 Iomraidhean Croise

Nehemi 6:12

An we tcha ala zla d’a mi dandjid’a tcholï nga nata Alona d’i. Mi dan hina, ni kayam me Tobiya azi ki Sanbalat a wuragamî wuraga.

Nehemi 6:3

An hulong sunuzi suma ni dazi ala: An nga ki sunda ngola á led’a, an ndak á arat ni iza gevegi d’i. Le an iza gevegiya ni, sun ndata mba d’i d’ela.

Nehemi 6:9

Sum ndazina a min mbud’umi mandarâ, a dala: Tazi mba d’i tchuk lus, a mba ar sun ndata bei led’a. An tchen Alona kua ala: Wani ki tchetchemba, ang Alo mana, ang han ad’enga.

Sawal la giled’a 112:6

Sa máma mba mi giget ti; simiyêm mba mi yi gak didin mi.

Sawal la giled’a 112:8

Mi nga mi tchol ngingring, nga mi ring mandar ri gak mi we kus sa yam mam suma djangûnid’a.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Ma tchi wala 10:1

Aro ma bona mi bu mbul ma his ma afufuîna hi sama yor mbulîna woyo. Hina mi, lili d’a ngiyeûd’a nga d’i b’lak ned’a hi sanid’a ki subura hi sanid’a woi mi.

Isai 10:18

Mba mi b’lak subura hagu mazid’a kasine mazi ma mi wul ahlena heîna woyo. Azi mba mbut ni d’igi sama mi it abo tugud’eid’ina na.

Ndumba 3:10

Ang de mi Aron azi ki groma a ngom sun nda ngat buzuna djiviya. Le sana ni ma ngat buzuna d’uo ba, mi dod’u ni, agi tchum mbeyo.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.

Hebre-na 11:27

Ni yam he gagazid’a ba, Moise mi ar Ezipte, mi le mandara ayîna hamulîna d’i. Mi ve tam ad’enga d’igi mam we Alo ma bei wum ki irina na.

1 Samuel 19:5

Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?