Nehemi 4:20 - Bible azumeina

²⁰ Kayam ndata, le agi humugi adifa tchina ata yima agi nga kuana ni, agi togogï gevemiya; Alo meina mba mi dur ayîna keya.

Nehemi 4:20 Iomraidhean Croise

1 Sunda Hamuleinid’a 19:12

Mi dum ala: Le suma Siri-na ad’enga kal kanu ni, ang mbeï ndjununu; le suma Amon-na ad’enga kal kangû ni, an iza ni ndjunung mi.

Nehemi 4:19

An de mi suma nglona ki suma avok sumina kablau suma pet ala: Sun ndata ti kal ngola, yina bubud’a heî mi; ei b’rawei woi ata gulumuna teteng, adigei woi dedei mi.

Nehemi 4:21

Ni hina ba, ami nga imi ki sunda avogovogo; suma hiuna adigami a nga tchola kasubiyona abozi yorogo dei gak afata niga.

Buzuk ka Abud’a 14:14

Ma didina mba mi dur ini kagiya, wani agi kagagi ni ki vunagi ma du’â.

Buzuk ka Abud’a 14:25

Mi d’elezi abo pus mazi ma dur ayîna á djangâ, nga mi pret ti. Ata yi máma Ezipte-na a dala: Ei ringî woi avok Israel-lâ, kayam Ma didina nga mi duri kaziya!

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.

Gat ta a hat á mbàd’id’a 1:30

Ma didina Alo magi ma nga mi tit avorogina, mba mi dur kagi d’igi mi le ki Ezipte-na kä iragi na.

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Gat ta a hat á mbàd’id’a 3:22

Agi lazi mandarazi d’i, kayam ni Ma didina Alo magina ba, mba mi dur kagiya.

Josue 23:10

Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na.