Nehemi 2:8 - Bible azumeina

⁸ Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Nehemi 2:8 Iomraidhean Croise

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Esdras 5:5

Wani Alona iram nga tinda yam suma nglo suma Juif-fâ; mazi suma djangûna a d’elezi nga bei le sunda d’i, a de zla ndata mamulâ Dariyus gak a fe mbaktumba abom yam minda hi gong ndatid’a.

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Esdras 6:8

Wana ni vun ma he ma an hagizi yam ahle suma agi ndjunugi ki suma nglo suma Juif-fâ á min gong nga kud’ora hAlonid’ina: Agi yogi ni beged’a hamulîd’a, bege d’a tar ra agi vad’ï woi abo alum ma Efrat-na woi hid’a pî, agi hazizi á gus ahlena tala sun mazid’a ti d’el luo d’a.

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Esdras 7:9

Mi tcholï Babilon á i Jerusalem mî kur bur ma tuna hi til ma avo’â, mi mba Jerusalem mî kur bur ma tuna hi til ma vahlâ, kayam Alo mam ma djivina iram nga tinda kamu.

Nehemi 7:2

An he vuna mi wiyena Hanani azi ki Hananiya ma ngolâ hi gong nga ndjol la Jerusalem-mbina, ni sama d’engzeng ma le mandara Alona kal suma dingîna mi.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Ma tchi wala 2:5

An vasinena, an min yima paguna, an pandjaf agu ma vuta kua teteng mi.

Ma tchi wala 2:6

An ka golongeîna kurum teteng á rap mbina yam agu ma a pum awilina.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Daniel 1:9

Yam ad’enga hAlonid’a, ma ngolâ hazungeîna hamulîna mi hum tchenda hi Daniel-la ki minda ki we hohoud’a.

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

Sunda hi suma a sunuzinid’a 7:10

mi pad’am mbei kur ndak mamba pet. Mi mbud’um sama djivi ma ned’a avok Faron amul ma Ezipte-na. Faron mi tinim á te yam Ezipte kaziyam pet mi.

2 Korente-na 8:16

Ami lami mersi mAlona, kayam mi mal lovota mi Tit á hat hurum kagi d’igi ami na mi.