Nehemi 2:3 - Bible azumeina

³ An hulong de mamulâ ala: Amulâ, ar va mi lang ngi! An hineî tan nduo ni nana ge? An hum ala azì ma ngol ma asud’a hi simiyênda nga kuana mi b’lak wa woyo, vunam mi ngal lei mi.

Nehemi 2:3 Iomraidhean Croise

1 Amuleina 1:31

Ata yi máma Batseba ti grif kä andaga avok amulâ, ti dala: Salana amulâ David, ar va mi lang ngi burâ ki burâ!

2 Amuleina 25:8

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma kid’iziyana hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

2 Sunda Hamuleinid’a 21:20

Kid’a mi kak amulid’a, bizamî dok hindi yam mbà. Mi tamula avo Jerusalem bizad’a klavandi. Ata yima mi mitna, sa mi hat nga hurum kam mbi. A tozomî kur Azì ma ngolâ hi David-na, wani a tozom nga kur zula hamuleinid’a d’i.

2 Sunda Hamuleinid’a 28:27

Ahas mi mit mi i kä azulei ad’u abuyom ngolo. A tozom kur azì ma ngolâ avo Jerusalem, wani a tozom nga zlapa kamulei suma Israel-lâ d’i. Goroma Ezekiyas mi vrak tamula blangâmu.

2 Sunda Hamuleinid’a 32:33

Ezekiyas mi mit mi i kä azulei ad’u abuyom ngolo, a tozom ata yima akulo nding ma kal tegles ma a tos David andjavam kuana. Suma Juda-na ki suma a nga kaka avo Jerusalem-ma pet a suburum kur mat mama ngola. Goroma Manase mi vrak tamula blangâmu.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Nehemi 1:3

A hulong dan ala: Suma a tcholza kur magombina a nga kaka kur andaga d’a Juda-d’a, wani a nga ni kur hohoud’a ki zulona. Gulumun ma Jerusalem-ma mi ni hod’ola hina hohotot, vunam mi ngal lei mi.

Nehemi 2:13

An tchol kandjege dangâla ni nde woi avun agrek ma i kur horina, an nga iran yam mbiyo ma laud’a hi dragona ki vun agrek ma tchuk siligitna kuana, an gol gulumuna hi Jerusalem-ma ki hod’ol mam mba tcho woi hohotota ki vunam ma ngal leina mi.

Ester 8:6

Ni nana ba, an mba ni we ndak ka mba d’i mba yam sum manid’a ge? Ni nana ba, an mba ni we tchi d’a a mba tchan andjavanda ki iran nge?

Sawal la giled’a 102:14

Ang mba tchol akulo á we hohowa Siyon, kayam ni bur ma wat hohowotna. Gagazi, bur matna ndak wa da’!

Sawal la giled’a 102:15

Kayam ami azungeî mangâ hurumi ve ahuniyô matna, b’lak mazid’a hohoud’a ti vami ad’uziya.

Sawal la giled’a 137:6

Le an djib’er nga kak kuo, le an we nga ala nda’î furî man nda ngol la kal papad’a d’uo ni, ar sinan ndi b’al akulo ata d’id’ingânu!

Sawal la giled’a 38:7

An mbut do’orâ, ni gun kä dongndjolong, burâ ki burâ an nga kur yor tad’a.

Jeremi 52:12

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma dogona hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Daniel 2:4

Suma kumana a hulong de mamulâ ki vun Aram-ma ala: Amulâ, ar va mi lang ngi! Ang dami adï d’a danga, ami mba vangzi ad’ud’u!

Daniel 3:9

A de mamulâ Nebukanezar ala: Amulâ, ar va mi lang ngi!

Daniel 5:10

Amula amulâ asum ti hum siwel la amulâ ki mam suma nglona a nga siwela, ti kal kur gong nga tena, ti dala: Amulâ, ar va mi lang ngi! Ar ang le mandarâ abo djib’er manga d’i, ar ang tchuk susub’ok ki.

Daniel 6:21

Daniel mi hulong dum ala: Amulâ, ar va mi lang ngi!

Daniel 6:6

Atogo hina zak Daniel ndrom suma nglo suma mbàna ki satrap-ma a i gen amulâ ki siwela gandjau, a dum ala: Amulâ Dariyus, ar va mi lang ngi!

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.