Nehemi 2:13 - Bible azumeina

¹³ An tchol kandjege dangâla ni nde woi avun agrek ma i kur horina, an nga iran yam mbiyo ma laud’a hi dragona ki vun agrek ma tchuk siligitna kuana, an gol gulumuna hi Jerusalem-ma ki hod’ol mam mba tcho woi hohotota ki vunam ma ngal leina mi.

Nehemi 2:13 Iomraidhean Croise

2 Sunda Hamuleinid’a 26:9

Oziyas mi min gong nga fiyak ka ndjola avo Jerusalem avun agrek ma gulumuna mi kong kuana, avun agrek ma kä kur horina, yam yima gulumuna mi kong kuana, mi minit ad’enga ngungu.

Nehemi 1:3

A hulong dan ala: Suma a tcholza kur magombina a nga kaka kur andaga d’a Juda-d’a, wani a nga ni kur hohoud’a ki zulona. Gulumun ma Jerusalem-ma mi ni hod’ola hina hohotot, vunam mi ngal lei mi.

Nehemi 12:31

An he vuna mi suma Juda suma avok sumina ala a djak akulo yam gulumuna, an wal suma hle sawala ad’u adesâ mbà. Ma tuna nga mi tit ata abo ma ndjufâ yam gulumuna akulo, ata abo ma ir yima tchuk siligitnina.

Nehemi 2:12

Bugola, an tchol andjege ki suma dingâ ad’un tcha, bei an de zla d’a Alo mana mi tinindji kurun á lat yam Jerusalem-mba mi sa ba, an i nga ki vama ding ngi, ni koro ma an nga kama hol.

Nehemi 2:15

Kur andjege ndata an i djak hora, an gol gulumuna, an hulongî ki lovot ta avun agrek ma avun horina. Ni hina ba, an hulong kä avo.

Nehemi 2:17

Ata yi máma an dazi ala: Agi wagi hohou d’a ei nga kurut wanda. Jerusalem ti b’lak wa woyo, vun agrek matna mi ngal wa woi mi. Agi mbeyegiya, ei minïgi gulumun matna akulo, ar zulona mi lei d’uo d’a.

Nehemi 2:3

An hulong de mamulâ ala: Amulâ, ar va mi lang ngi! An hineî tan nduo ni nana ge? An hum ala azì ma ngol ma asud’a hi simiyênda nga kuana mi b’lak wa woyo, vunam mi ngal lei mi.

Jeremi 5:10

Agi igi kur asine mat ma guguzlud’a, agi b’lagam mbeyo, wani agi b’lagam mbei pet ti. Agi tchawagi abo guguzlu mata woyo, Kayam azi nga ni suma hi an Ma didinina d’i.