Nehemi 10:37 - Bible azumeina

³⁷ á mbami kafut mamid’a ki he d’a hawad’a hi vud’agu maminid’a pet ki süm guguzlu d’a bei ned’a ki mbulâ mi suma ngat buzu suma a nga kur gong nga kud’ora hAlo maminid’a, á hami dima hahle suma ami zumuzina mi suma hi Levi-na mi. Ar suma hi Levi-na a i ve dima ni azi tazid’a kur azì ma nglo ma nga yam andaga d’a ami nga zumumi kuad’a.

Nehemi 10:37 Iomraidhean Croise

2 Sunda Hamuleinid’a 31:6

Israel-lâ ki suma Juda suma a nga kaka kur azì ma nglo ma Juda-nina, a he dim ma hamuzleinina ki dim ma haho’îna ki ma hahle suma a tinizi irazi vazi mi Ma didina Alo mazinina, a molozi kä gigindiu.

Nehemi 13:10

An hum kua ala a nga he te ma a ngam yam suma hi Levi-nina d’i. Kayam ndata, suma hi Levi-na ki suma hle sawal suma a tinizi a le sundina a ringâ, nge nge pî mi i ata asinem á zuma.

Nehemi 13:12

Ata yi máma suma Juda-na a nde mba ki dim ma awuna ki dim ma süm ma bei ned’a ki dim ma mbul olifâ kur gong nga ngom ahlena.

Nehemi 13:5

mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.

Nehemi 13:9

Bugola, an he vuna ala a mbut hur gonga yed’et, a hulong tchuk ahle suma a le ki sunda kur gong nga kud’ora hAlonid’ina ki he d’a hawad’a awuna ki dubang ma his djivid’ina kur gong ndata.

Buzuk ka Abud’a 13:12

agi mba hagi grogi suma agi vud’uzi avo’â mi Ma didina, suma d’oze d’uwarâ. Suma andjofâ pet ni suma hi Ma didinina.

Buzuk ka Abud’a 13:2

Ang tin gro suma a vud’uzi avok aduk Israel-lîna pet irazi vaziya, kayam gro suma a vud’uzi avo’â pet, le ni suma d’oze d’uwarâ, a ni mana.

Sunda hi suma hi Levi-nid’a 23:17

Agi tchologï avo hatagi kavungô ma a lum kafut ta adiged’id’ina ir kilona hindi ma a yum kangufina abogi mbà mbà á gazam akulo. Wana nahle suma avo’â hi an Ma didinina.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Malatchi 3:8

Sana mi lop ir Alona ko zu? Wani agi lobondiya. Agi nga dagi ala: Ami lobong irang ni ki me ge? Ni kur dima ki he d’a hawad’a.

Ndumba 18:15

Ahle suma a vut avo’â pet suma a mba handjina, sana d’oze d’uwarâ, a arî mangâ. Wani ang mbut yam gor ma a vud’um avo’â ki d’uwar ma ndjendje ma a vud’um avo’â mi.

Ndumba 18:18

Hliuna hi va mámina mi arî mangâ d’igi didi’â kab’al ma ndjufâ suma a gazazi akulona na.

Ndumba 18:21

Ma didina mi de mi Aron kua ala: An he dim ma Israel-lâ a nga handjina mi suma hi Levi-na djona. Ni wurak ka yam sun mazid’id’a, nala, sun nda zlub’u d’a ngaf ta d’a azi nga lata.

Romê-na 11:16

Le avungô ma avo’â a tinim iram vam mAlona ni, ad’um mba ara ni mama mi. Le sidei aguna a tinim iram vam mAlona ni, abomî mama mi.

Gat ta a hat á mbàd’id’a 14:22

Moise mi de kua ala: Kur biza d’a lara ge pet, agi pad’agi vun dima hahle suma agi fazi kur asinegina.

Gat ta a hat á mbàd’id’a 18:4

Agi hum awu magi ma ne avo’â, gemena, süm guguzlud’a ki mbulâ zlapa ki tumus tumiyô magi suma a tchawazi avo’â mi.

Gat ta a hat á mbàd’id’a 26:2

nge nge pî adigagi mi yo ahle mam suma ne avok kur asine ma yam andaga d’a Ma didina Alo magina nga mi hagizid’a, mi tchuguzi kur gagalagad’a, mi i ki sed’ezi ata yima Ma didina Alo magina mba mi manam á tak tam mbei kuana.