Nehemi 10:36 - Bible azumeina

³⁶ á mbami ki gromi suma vut avo’â ki d’uwar mami ma vut avo’â d’igi a b’ir kur Gata na, á mbami kamuzlei suma a vut avo’â kahok suma a vut avo’â mi suma ngat buzu suma a nga le sunda kur gong nga kud’ora hAlo mamid’ina,

Nehemi 10:36 Iomraidhean Croise

2 Sunda Hamuleinid’a 31:5

Kid’a zla ndata ti b’rau woi aduk suma peta, Israel-lâ a he geme ma ne avo’â, süm guguzlud’a, mbulâ, mbul ayuma kahlena pet suma a zumuzi kur asinenina, a mba ki dima hahlenina pet mi.

Nehemi 12:44

Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata,

Nehemi 13:5

mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.

Buzuk ka Abud’a 13:2

Ang tin gro suma a vud’uzi avok aduk Israel-lîna pet irazi vaziya, kayam gro suma a vud’uzi avo’â pet, le ni suma d’oze d’uwarâ, a ni mana.

Buzuk ka Abud’a 23:19

Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.

Buzuk ka Abud’a 34:19

Gro suma agi vud’uzi avo’â pet ni mana, d’uwar magi ma ndjof ma a vud’um avok aduk amuzleinina d’oze aduk aho’îna ni mana.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Ndumba 3:13

Gro suma a vut avo’â pet a ni mana. Kur bur ma an ni tchi gro suma a vut avo’â hi Ezipte-na woi yam ambas mazid’ina, an tin gro suma a vut avo’â hi Israel-lîna irazi vazi mi anu. Le ni suma d’oze d’uwarâ a ni mana. An ni Ma didina.

Galat-na 6:6

Sama sana nga mi had’am zlad’a hAlonid’ina, djivid’a mi b’rau ahle mam suma djivina ki sama nga mi had’ama.

Gat ta a hat á mbàd’id’a 12:6

Ni kua kolâ ba, agi mba hagi he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle magi suma agi hazina, he d’a hawa magi d’a á ndak vun vun ma hled’id’a, he d’a hawa d’a kur minda hi sanid’a zlapa ki d’uwar magi ma nglona ki d’uwar magi ma gurei ma vut avo’â mi.