Nehemi 10:34 - Bible azumeina

³⁴ Ami tinimi gata kami kua ala ami suma ngat buzuna, suma hi Levi-na kablau suma, ami lami togina ngad’a yam andjavami á mba kagu ma a hum he d’a hawad’a bizad’a ki bizad’a kur gong nga kud’ora hAlonid’a kur bur ma a ngama, á ngal ki he d’a hawa d’a ngat buzuna yam yima ngal ahle suma ngat buzuna hi Ma didina Alo meinina d’igi a b’ir kur Gata na.

Nehemi 10:34 Iomraidhean Croise

1 Sunda Hamuleinid’a 24:5

A walazi teteng ni ki togina, kayam suma nglo suma a tinizi ata yima a tinim iram vama ki suma nglo suma a le sunda mAlonina ni suma ad’u andjafâ hi Elazar-râ kandjafâ hi Itamar-rîna mi.

1 Sunda Hamuleinid’a 24:7

Suma a manazi ki toginina ba wana: 1 Jehojarip 2 Jedaya 3 Harim 4 Seyorim 5 Malkiya 6 Miyamin 7 Hakos 8 Abiya 9 Josue 10 Sekaniya 11 Eliyasip 12 Jakim 13 Hupa 14 Jesebap 15 Bilga 16 Imer 17 Hezir 18 Hapises 19 Petahiya 20 Ezekiyel 21 Jakin 22 Gamul 23 Delaya 24 Mäziya

2 Sunda Hamuleinid’a 2:3

Salomon mi ge sunda gen Hiram amul ma Tir-râ, mi dum ala: Ang le ki sed’en d’igi ang le kabun David ang hum agu sedrena á min kaziyam na.

Esdras 3:5

Bugola, a nga he he d’a hawa d’a ngala teteu, he d’a hawa d’a ngala hi til ma deî awilinid’a, hi vun til ma lara ge ma a tinim iram vam mi Ma didinina ki he d’a hawa d’a hi suma lara suma a nga hat kur min mazid’a mi Ma didinid’a.

Nehemi 11:1

Suma avok sumina a kak avo Jerusalem. Ablau suma a le togina á we aduk suma dodogona, ni nge nge azi ba, a kak avo Jerusalem kur azì ma a tinim iram vam máma tala suma ar zlezlengîna a kak kur azì ma dingâ tetengû d’a ge?

Nehemi 13:31

an he vuna yam he d’a hawad’a hagu ma ngala ala a mbam ata yima a ngama kawu ma ne avo’â mi. An tchen Alona kua ala: Alo mana, ang djib’er kanu, ang wan hohowon mi.

Zla d’a d’ogolâ 18:18

Togi ma led’a nga mi d’el vun huneîd’a, mi ka suma ad’engâ adigazi woi mi.

Isai 40:16

Agu d’a Liban-nda ti ndak nga á vakud’a yam yima ngal ahle suma ngat buzuna d’i, d’uwar matna mi ndak nga á he he d’a hawa d’a ngala d’uo mi.

Sunda hi suma hi Levi-nid’a 24:5

Ma didina mi de mi Moise kua ala: Ang yo afut ta adiged’id’a, ang gavungôna dogo yam mbà. Avungô ma lara pî afut mamba ni kilona karagaya karagaya.

Sunda hi suma hi Levi-nid’a 24:6

Ang ndjaram djirdid’a mbà, djirdi d’a lara pî ang tin avungôna kua karagaya karagaya. Ang tinim yam tabul ma lor ma bei zozota ba na avogon an Ma didina.

Ndumba 28:2

Ang he vun ma wana mi Israel-lâ, ang dazi ala: Ma didina mi dala: Agi gologi tagi djivi á han he d’a hawa man nda ndak á handjid’a ata yima a ngama, nala, te ma a handji he d’a hawa d’a ngal la his sa afufuîd’ina.

Sunda hi suma a sunuzinid’a 1:26

Azi le togina kaziya; togina mi nde yam Matiyas. Kayam ndata, a ndumum ki suma a sunuzi suma dogo yam tuna hi Jesus-na.

Josue 9:27

Kur bur máma Josue mi tinizi ata sun nda ka aguna ki sun nda gul mbina mablaud’a hi Israel-lîd’a ki yima ngal ahle suma ngat buzuna hi Ma didinina ata yima mam mba mi manam yam simiyêma mi. A nga le sun ndata kua gak ini.