Nehemi 1:9 - Bible azumeina

⁹ Le agi hulongôgi gevenu, le agi ngomogi vun ma he mana, le agi tid’igi kam mi ni, le a digigi gak igi navun dabid’a handagad’id’a pî, an mba ni togogï ata yima an manam á tin simiyên kuana.

Nehemi 1:9 Iomraidhean Croise

1 Amuleina 8:48

le azi hulongî geveng ki hur ma tuna ki muzugazi tu kur andaga d’a a izi magomba kura ala ang vat hurung ngei kaziya, le azi mbut irazi yam andaga d’a ang hat mabuyozi ngolo kazì ma ngol ma ang manam ma an mining gonga kuana á tchenengû ni,

1 Amuleina 9:3

Ma didina mi dum ala: An hum tchen mang nga hu d’a ang tchenenda, an tin wa gong nga ang minita irat vad’u, an mba ni kak kua adigagi gak didin, an mba ni tin iran kad’u, an mba ni vagi atan burâ ki burâ mi.

1 Sunda Hamuleinid’a 16:35

Ar agi dagi ala: Alo ma sud’umina, ang sud’umiya! Ang togomiya, ang yomi woi aduk andjaf suma dingâ, kayam ami gileng simiyêng ma bei tchod’ina, ami kagami ki furîd’a á suburung mi.

Esdras 6:12

Ar Alo ma tin simiyêm kur yi mámina, mi b’lak amuleina kandjaf suma pet suma a tchila yam vun ma he máma á b’lak gong nga kud’ora hAlona d’a nga Jerusalem-mid’a woina. Ni an Dariyus ba, ni he vun máma. Ar suma a le sunda kam memet!

Sawal la giled’a 106:47

Ma didina Alo mamina, ar ang sud’umiya! Ar ang togomi woi aduk andjaf suma kayambala ami gileng simiyêng ma bei tchod’a, ami kagami ki furîd’a á suburung mi d’a.

Sawal la giled’a 107:3

mi togozi woi kur ambasa hi suma dingîd’a abo ma yorogona, abo ma fladegena, abo ma norâ kabo ma sutnina, a de na mi!

Sawal la giled’a 147:2

Ma didina nga mi hulong min Jerusalem akulo, nga mi tok Israel suma a i mbeïd’ina avo,

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 27:12

Kur bur máma Ma didina mba mi dut awu mama, mba mi tinï ad’ud’a avun alum ma Efrat-na dei gak mba avun toliyon nda Ezipte-d’a, mba mi dud’ugi agi Israel-lâ tutu pet.

Isai 56:8

Salad’a Ma didin ma mi tok Israel suma a b’rau woina, mi dala: An mba ni togï suma dingâ kua yam suma an togozi dana.

Jeremi 12:15

Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi.

Jeremi 3:14

Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Jeremi 6:22

Ma didina mi dala: Gola! Suma yam ambas sa abo ma norîd’a a nga djïya. Nandjaf ma ngol ma tcholï avun dabid’a handagad’ina.

Ezekiyel 14:6

Kayam ndata, ang i de mi Israel-lâ ala: Salad’a Ma didina mi dala: Agi mbud’ugi hurugiya, agi hagi azigagi mi filei magina, agi aragi sun magi d’a ndjendje d’a lara ge pet tei mi.

Ezekiyel 36:24

An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a.

Sunda hi suma hi Levi-nid’a 26:3

Le agi nga tid’igi yam gat manda, le agi ngomogi vun man ma hed’a, le agi nga lagi sunda kam mi ni,

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Gat ta a hat á mbàd’id’a 12:21

Le yima Ma didina Alo magina mba mi manam á tin simiyêm kuana mi dei ki sed’egiya ni, agi ndak á tchagi d’uwar magi ma nglona ki ma gurei ma Ma didina Alo magina mi hagizina d’igi an hagi vuna na, agi ndak á mud’ugizi ata yima agi mba kagagi kuana d’igi agi min na mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Gat ta a hat á mbàd’id’a 30:1

Moise mi de kua ala: Wani ahlena pet suma an tinigizi avorogi wana, nala, vun ma b’ed’a ki vun ma ged’a a mba ndaga, wani fata Ma didina mba mi ndjoyôgi woi yam ambasa handjaf suma dingâ vivrenga, agi mba djib’eregi yam ahle ndazina.