Ndumba 9:14 - Bible azumeina

¹⁴ Le angei ma nga kaka adigagina mi le vun til ma Pa’â hi an Ma didinina ni, mi lumî d’igi gata ki vun man ma hed’a a de kam na. Gat ndata ni tu kagi agi pet, yam gor vuta, yam angeina mi.

Ndumba 9:14 Iomraidhean Croise

Esdras 6:21

Israel suma a mbeï avo kur magombina a te Pa’â, zlapa ki suma pet suma a wal tazi woi ki ndjendjed’a hi suma bei wAlonid’a suma a zlap ki sed’ezi á hal Ma didina Alona hi Israel-lîna.

Buzuk ka Abud’a 12:43

Ma didina mi de mi Moise azi ki Aron ala: Wana ni gat ta yam vun til ma Pa’îd’a: Ar andjaf ma ding mi tum zlapa ki sed’egi d’i.

Buzuk ka Abud’a 12:47

Ar adesâ hi Israel-lîna pet a le vun til ma Pak máma.

Sunda hi suma hi Levi-nid’a 19:10

Agi dud’ugi vut guguzlu d’a ar akulo blogogid’a d’i; d’a yak kä andagad’a, agi yot tuo mi. Agi aragizi kä mi suma houd’a kangoyogeina, kayam an ni Ma didina Alo magina.

Sunda hi suma hi Levi-nid’a 22:25

Agi vagi vama ngat buzu ma hina na abo angeina á handji á ted’a mi an Alo magina d’i. Kayam azi nahle suma yazi ma dingâ kad’ina, nahle suma daka mi, an nga ni vazi abogi d’i.

Sunda hi suma hi Levi-nid’a 24:22

Gat ndata ni yam angeina, yam gor vut ta Israel-la mi, kayam an ni Ma didina Alo magina.

Sunda hi suma hi Levi-nid’a 25:15

Le agi guzugi va abo tagiya ni, agi tinigi ad’u d’a ndumba ei ni kur biza d’a ngol la furîd’a, agi wuragamî kahle suma a mba vut kur biza d’a nga d’i mbad’ina.

Ndumba 15:15

Gat ndata mba d’i ka’î yam ablaud’a pet, yam agi Israel-lâ d’igi yam angoyogeina na mi. Mba d’i ka’î gat ta irata kur atchogoi d’a lara ge pet ta nga d’i mbad’a. An Ma didina nga ni le ki Israel-lâ vazi mi, ni le kangoyogeina vazi mi d’i.

Ndumba 15:16

Gata ki vun ma hed’a a ni tu kagi agiya, kazi azi mi.

Gat ta a hat á mbàd’id’a 29:11

grogina, amiyôgina, angoyogei suma a nga kaka adigagina, suma a nga ngad’agi agunina ki suma a nga gulugi mbinina mi.

Gat ta a hat á mbàd’id’a 31:12

Ang tok suma pet andjofâ karopma ki kemba kangoyogei suma a mba kak adigagina á humud’u, á hat á le mandara Ma didina Alo magina, á ngom zla d’a pet ta kur gat ndatid’a, á tit kat mi.