Ndumba 6:20 - Bible azumeina

²⁰ Ma ngat buzu máma mi gazazi akulo avogon an Ma didina. Nahle suma a tinizi irazi vazina; a arî hi ma ngat buzunina zlapa kab’alâ ki didi’â suma a gazazi akulo ndazina. Ata yi máma ma tin tam irat vat á le sun nda Nazir-ra máma mi ndak á tche süm guguzlud’a.

Ndumba 6:20 Iomraidhean Croise

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Sunda hi suma hi Levi-nid’a 10:15

Israel-lâ a mba mba ki mbul ma a ngalam mbeina, a mba mba kab’alâ ki didi’â suma a mba gazazi akulo avok Ma didinina mi. Ahle ndazina a mba arî b’rau magid’a agi ki grongâ; ni gat ta didinda d’igi Ma didina mi he vuna na.

Sunda hi suma hi Levi-nid’a 23:11

Ma ngat buzu máma mi gas yam awu máma akulo avogon an Ma didina, kayam an vum abogiya. Mi gazam akulo ni bugol bur ma sabatna.

Sunda hi suma hi Levi-nid’a 7:30

Ar mi yoï vama mam hum vama ngat buzu ma ngala mi an Ma didinina ni mam tam kabom avogonu, nala, mbulâ ki didi’â, kayam mi gas didik máma akulo avogonu.

Sunda hi suma hi Levi-nid’a 7:31

Ma ngat buzuna mi ngal mbul máma akulo yam yima ngal ahle suma ngat buzuna, didik máma mba mi arî mi Aron azi ki groma.

Sunda hi suma hi Levi-nid’a 7:32

Vama agi hum vama ngat buzu ma zlap darigïd’ina, agi pad’agi ab’al ma ndjufâ mi ma ngat buzuna.

Sunda hi suma hi Levi-nid’a 7:34

Kayam an hle didik ma a gazam akulona kab’al ma ndjufâ hi vama ngat buzu ma zlap darigï ma Israel-lâ a handjina, an hazi ni mi ma ngat buzuna Aron azi ki groma. B’rau ndata arî gat ta didin nda yam b’rau d’a Israel-lâ a mba hazizid’a.

Sunda hi suma hi Levi-nid’a 9:21

mi gas didi’â kab’al ma ndjufâ akulo avok Ma didina d’igi mi he vuna mi Moise na.

Zakari 10:7

Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Ndumba 18:18

Hliuna hi va mámina mi arî mangâ d’igi didi’â kab’al ma ndjufâ suma a gazazi akulona na.

Ndumba 5:25

Ma ngat buzu máma mi ve he d’a hawa d’a yam djib’er ra mbàmbà ndata abod’u, mi gazat akulo avogon an Ma didina mi, mi mba ki sed’et yam yima ngal ahle suma ngat buzuna,

Ndumba 6:21

Wana ni gat ta yam sama mi hle vunam á le sun nda Nazir-rina. Wana ni he d’a hawa d’a mam hat mi an Ma didina yam tin nda mam tin tam irat vatid’a. Le mi nga kahlena ni, mi ndak á hed’a kam kua, wani mbeî mi ndak vun ahle suma a he vuna kazi yam vun ma hle ma mam hluma d’igi gata de yam vun mam ma hled’a na.

Matiye 26:29

Gagazi, an nga ni dagiya, an dok tche süm guguzlud’a bugol luo d’a, gak kur bur ma an mba ni tche ma awilina ki sed’egi kur leud’a hAbundina.

Marik 14:25

Gagazi, an nga ni dagiya, an dok ni tche süm guguzlud’a bugol luo d’a, gak bur ma an mba ni tche ma awilina ki sed’egi sä kur leud’a hAlonid’ina.

Jean 19:30

Kid’a Jesus mi tche süm ma azlei máma dad’a, mi dala: Ahlena pet a ndak wa, mi tchok yam kä, mi duk vunamu.