Ndumba 4:4 - Bible azumeina

⁴ Wana ni sun nda andjafâ hi Kehat-na a lat kur zlub’u d’a ngaf tad’id’a, nala, ahle mat suma a tinizi irazi vazi suma kal tegles suma a le ki sunda kurutna.

Ndumba 4:4 Iomraidhean Croise

1 Sunda Hamuleinid’a 23:6

David mi wal suma hi Levi-na kä ad’u adezezi teng teng, nala, suma hi Gerson-na, suma hi Kehat-na ki suma hi Merari-na mi.

Ndumba 10:21

Suma hi Kehat-na a tchol id’a, a yo ahle suma kur zlub’ud’a suma a tinizi irazi vazina. Suma hi Levi suma dingâ a ve zlub’ud’a akulo á djup mbad’a hi suma hi Kehat-nid’a.

Ndumba 4:15

Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

Ndumba 4:19

Ang Aron agi ki grongâ lagi ki sed’ezi ni hina. Agi tinizi kur sunda, nge nge pî kur sun mamba kayambala azi do yima a tinim iram vam ma kal teglesâ do ba, a bö d’a d’i.

Ndumba 4:24

Wana ni sun nda andjafâ hi Gerson-na a mba lata kahle suma azi mba zizina.

Ndumba 4:3

suma bizazi dok hindi dok hindina ki suma bizazi kal dok hindi dok hindi gak mba ata biza d’a dok vahlina, suma pet suma a ndak á le sunda kur zlub’u d’a ngaf tad’ina.

Ndumba 4:30

Ang ndum suma bizazi dok hindi dok hindina ki suma bizazi kal dok hindi dok hindi gak mba ata biza d’a dok vahlina, suma pet suma a ndak á le sunda kur zlub’u d’a ngaf tad’ina.

Ndumba 4:5

Fata agi yogi á id’id’a, Aron azi ki groma a but baru d’a ka ira woyo, a zlubut yam zandu’â hAlonina.

Ndumba 7:9

Wani mi he nga pus soze amuhl mi Kehat groma d’i, kayam sunda hahle suma a tinizi irazi vazina ni mazid’a; ni azi ba a yozi keleziya.

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.