Ndumba 35:34 - Bible azumeina

³⁴ Ar agi mbud’ugi ambas sa agi mba kagagi kua d’a an mba ni kak adigagid’a ndjendjed’a d’i, kayam an ni Ma didin ma nga kaka adigagina.

Ndumba 35:34 Iomraidhean Croise

1 Amuleina 6:13

An mba ni kak kur gong nga wanda aduk Israel-lâ, an mba ni ar man suma Israel-lâ woi d’i.

Sawal la giled’a 132:14

Mi dala: Wana ni yi man ma tuk tad’a gak didin, an mba ni kak kua, kayam an hurun minid’u.

Sawal la giled’a 135:21

agi suma avo Siyon-na, agi suburugi Ma didin ma nga kaka avo Jerusalem-ma. Agi gilegi Ma didina!

Buzuk ka Abud’a 25:8

Azi minin zlub’u d’a kud’ora tala an kak adigaziya d’a.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 8:12

Agi ndjagagi vunagi ki suma a nga de zla d’a tchod’a yam suma a nga de zla d’a tchod’a yam gatina d’i, agi lagi mandara vama azi nga lum mandarama d’i, agi zlagagi abom mbuo mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Ezekiyel 35:10

Ndak dala: An mba ni hlandjaf ma mbà ma Ma didina mi nga kaka adigazina.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Ndumba 16:3

A togï gen Moise azi ki Aron, a dazi ala: Ami ndagami da’, kayam ablaud’a pet ni suma a tinizi irazi vazi mAlonina, Ma didina mi nga adigazi mi! Ni kayam me ba, agi suburugi tagi yam suma hi Ma didinina ge?

Ndumba 5:3

Le natchad’a d’oze mandjufâ, ang digim mbei kur kangâ kayambala mi mbut kang ma adigagi ma an nga kaka kuana ndjendjed’a d’uo d’a.

Gat ta a hat á mbàd’id’a 21:23

agi aram mad’am mi bur akulo ata aguna d’i, agi tozomî kur bur máma baba, kayam sama a gabam akulo ata agunina ni sama Alona mi gum vunina. Agi mbud’ugi ambas sa Ma didina Alo magina mba mi hagizi á te kata ndjendjed’a d’i.

Gat ta a hat á mbàd’id’a 21:8

A de kua ala: Ma didina, ang vat hurung ngei yam mang Israel suma ang tchuguzi akulona, ang ndum matna hi sama bei zlad’a kam máma kazi d’i. Ata yi máma Alona mba mi vat hurum mbei kaziya.

Gat ta a hat á mbàd’id’a 6:15

kayam Ma didina Alo magi ma nga adigagina, nAlo ma yungôrâ. Hurum le zal atagiya ni, mba mi dabagi woi yam andagad’a.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.