Ndumba 35:2 - Bible azumeina

² Ang i de mi Israel-lâ a he azì ma nglona aduk djo ma azi tuma mi suma hi Levi-na kayambala a kak kua d’a. Ang dazi ala: Agi hazi yina bugol azì ma nglo máma mi.

Ndumba 35:2 Iomraidhean Croise

1 Sunda Hamuleinid’a 13:2

David mi de mi tok ka Israel-la pet ala: Le agi minigiya, le zla ndata ti tcholï nata Ma didina Alo meina mi ni, ei tchugi sunda yam andaga d’a pet ta b’oziyoi Israel-lâ a nga kaka kuad’a, ata suma ngat buzuna, ata suma hi Levi suma kur aziyazi ki yima huyogomina, kayam a mba zlap tu ki sed’eya.

2 Sunda Hamuleinid’a 11:14

Suma hi Levi-na a ar yazi ma kaka kahle mazina woyo, a i yam andaga d’a Juda-d’a avo Jerusalem, kayam Jerobowam ki groma a d’elezi á le sun mazi d’a ngat buzuna mi Ma didina.

2 Sunda Hamuleinid’a 31:19

Yam suma ngat buzu suma hi Aron suma a nga kaka abagei kel kur azì mazi ma nglonina, kur azì ma ngol ma lara ge pî, a man suma ki simiyêzi á b’rau tena mi suma ngat buzuna ki suma hi Levi-na pet suma a ndumuzina.

Nehemi 13:10

An hum kua ala a nga he te ma a ngam yam suma hi Levi-nina d’i. Kayam ndata, suma hi Levi-na ki suma hle sawal suma a tinizi a le sundina a ringâ, nge nge pî mi i ata asinem á zuma.

Ezekiyel 48:22

Andagad’a hi suma hi Levi-nid’a ki yina hazì ma ngolîna mba mi wal andagad’a hamulîd’a kä aduk mbà. Andaga mamba mba d’i ar aduk andagad’a hi suma hi Juda-nid’a abo ma norâ kandagad’a hi suma hi Benjamin-nid’a abo ma sutna mi.

Ezekiyel 48:8

Agi tinigi andagad’a irat vat mi Ma didina, tinï ad’ud’a avun hagad’a hi Juda-d’a abo ma yorogona dei gak i abo ma fladegena. Bubuwat kilometred’a dogo yam mbà ki nusa, fiyagat ni d’igi d’a handjaf Israel ma dingîd’a na mi. A mba min gong nga kud’ora hAlonid’a nadigat d’ad’ar.

Ndumba 35:1

Ma didina mi de mi Moise hur ful la Mowap pa go kalum ma Jurdê-na d’a ngagad’a yam Jeriko d’ara mi dala:

Ndumba 35:3

Ar azi fe azì ma nglona á kak kua, huyok azina ni yam d’uwar mazina mi.

Gat ta a hat á mbàd’id’a 18:6

Le ma hi Levi-na mi tchol kur min mamba kur yima mam nga kua aduk Israel-lîna á i ata yima Ma didina Alo magina mba mi manam á kak kuana,