Ndumba 35:19 - Bible azumeina

¹⁹ Sama hlatchugula le mi fe sama tchi mat máma ni, mi tchum mbeyo.

Ndumba 35:19 Iomraidhean Croise

Ad’u Tinda 4:14

Le ang digin ndei ini yam andaga d’a wanda ni, an mba ni ngei tan ndei dei avorongû, an mba ni talala, mba ni tcha ta’ abo hî, tcha ta’ abo hî; sama lara ma fana mba mi tchanu.

2 Samuel 14:11

Ti de mamulâ ala: Ar ang djib’er yam Ma didina Alo mangâ tala ma hlatchugula mi tchi sama ding kua, tala mi tchi gorona woi d’uo d’a. Amulâ mi dat ala: Ma didina ni Ma bei matna. Tumus sa yam goro’îd’a tu pî mba d’i nde kä andaga d’i.

2 Samuel 14:7

Wani andjavami a tchol djangûna ki sed’en an wei manga ala: Ndak hami ma tchi wiyemina, ami tchum balum wiyema, ami min tchami ma te djona woyo. Azi min tchan vun adjo man ma ar helâ woyo. Kayambala ndjuvun simiyêm yï d’oze va ar blogom yam andagad’a d’uo mi d’a.

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

2 Samuel 3:30

Ni hina ba, Jowap azi ki wiyema Abisai a tchi Apner, kayam mi tchazi wiyezina Asayel avo Gabawon ata yima ayîna.

Ndumba 35:12

Azì máma mba mi ndjunugi á ngei tagi abo sama mi min hlatchugulina kayambala sama mi tchi matnina a tchum mbei avok bei im avok ablaud’a á ka sariyad’a kam mbuo d’a.

Ndumba 35:18

Le mi tumumî kaguna ba, mi mid’a ni, ni sama tchi matna. A tchi ma tchi mat máma woi mi.

Ndumba 35:20

Le sana mi ve ndrama kurumu, mi gum vana kam ir d’ugura ba, mi mid’a,

Ndumba 35:21

d’oze le mi tumum ki hur ma sulu’â ba, mi mid’a ni, sama mi tumuma a tchum mbeyo; ni sama tchi matna. Le sama hlatchugula mi fumu ni, mi tchum mbeyo.

Ndumba 35:24

wana ni gat ta ablaud’a ti ka ki sariyad’a aduk sama mi tchi matnina ki sama hlatchugulina:

Ndumba 35:27

sama hlatchugula mi fum mbei bugol azì ma ngei tad’a ba, mi tchumu ni, zla nga kam yam tchid’a mi tchumba d’i,

Gat ta a hat á mbàd’id’a 19:12

suma nglo suma kur azì mam ma ngolîna a sun atamu, a vumïya, a hum abo sama sä atchugula mi tchum mbeyo.

Gat ta a hat á mbàd’id’a 19:6

kayambala le yina dei kla ba, ma sä atchugula kur hur mam ma zala, mi digim mi fum mi tchum mbuo d’a, kayam ma tchi ndrama máma mi vum nga kurum avok ki.

Josue 20:3

Le sana adigagi mi tchi sana bei min mamba bei mi nga hurum kam adjewe ni, mi ring hur azì ma dingâ hazì mámina á sut tam abo sama mi min sä atchugul la sama a tchum máma.

Josue 20:5

Le sama min hlatchugul sama a tchum máma nga mi digimiya ni, ar azi hum sama tchi mat máma abom mbi. Kayam mi tchi ndrama ni kur min mamba d’i, mi nga ni sa mam ma djangûna adjeu d’uo mi.

Suma ka sariyad’a 8:19

Mi dazi ala: Azi ni b’oziyona, a ni b’oziyon suma asuyona. An nga ni dagi zlad’a ki simiyê Ma didin ma bei matnina. Ladjï agi arazi bei tchid’a ni, an nga ni tchagi d’uo mi.