Ndumba 32:33 - Bible azumeina

³³ Moise mi handjafâ hi Gad-na, andjafâ hi Ruben-na kabo andjafâ hi Manase ma Josef goromina leud’a hi Sihon amul ma Amor-râ ki leud’a hi Ok amul ma Basan-nid’a, nala, ambasa kazì mat ma nglona kandaga d’a nguyumba pet mi.

Ndumba 32:33 Iomraidhean Croise

1 Sunda Hamuleinid’a 12:31

Suma ad’u abo andjafâ hi Manase suma abo ma fladegenina a ni 18.000, ni suma a manazi á tin David amulina.

1 Sunda Hamuleinid’a 26:32

Jeriya b’oziyom suma gangrangâ a ni 2700, ni suma avok sum mazinina. David mi tinizi á ngom ahlena hAlonina kahle mam suma amula yam andagad’a hi suma hi Ruben-nid’a, yam andagad’a hi suma hi Gad-nid’a kandagad’a habo andjafâ hi Manase-nid’a mi.

1 Sunda Hamuleinid’a 5:18

Ades suma hi Ruben-na ki suma hi Gad-na kabo andjafâ hi Manase-na, ablawazi ni d’igi 44.760 na. Azi pet ni suma gangrang suma a had’azina, ni suma a ndak á dur ki mbareid’a ki mbigeu d’a fiyaka d’oze ki yeûd’a suma a ndak á tchol zak á i durîna.

Ndumba 32:1

Andjafâ hi Ruben-na kandjafâ hi Gad-na a ki d’uwarâ ablaud’a heî. A wala ambas sa Jazer-ra ki d’a Galät-ta nambas sa djivid’a yam d’uwarâ.

Ndumba 32:32

Ami mba durumi ayîna yam vun ma hed’a hi Ma didinina yam ambas sa Kanan-nda, wani djo mami ma ted’a ni ka hî avun alum ma Jurdê-na.

Ndumba 34:14

kayam andjafâ hi Ruben-na kandjafâ hi Gad-na kabo andjafâ hi Manase-na a yo djo mazina ad’u andjafâ habuyozina da’.

Ndumba 34:15

Andjaf ma mbà kabo máma mi yo djo mama abo ma yorogona abo alum ma Jurdê-na woi hî ngagad’a yam Jeriko d’ar.

Gat ta a hat á mbàd’id’a 29:8

ei hlei ambas mazid’a, ei hlat djona mandjafâ hi Ruben-na kandjafâ hi Gad-na kabo andjafâ hi Manase-na mi.

Josue 12:1

Wana namulei suma Israel-lâ a kus kazi kambas mazid’a sä abo alum ma Jurdê-na woi hî abo ma yorogonid’a, tinï ad’ud’a avun alum ma Arnon-na dei gak mba yam ahina d’a Hermon-nda ki fula abo ma yorogonid’a pet mi:

Josue 12:6

Ni suma Moise azongâ hi Ma didinina ki Israel-lâ a kus kazina. Moise mi hazi ambas mazid’a djona mandjafâ hi Ruben-na, mandjafâ hi Gad-na kabo andjafâ hi Manase-na mi.

Josue 14:3

Kayam Moise mi handagad’a djona mandjaf ma mbàna kabo andjaf ma tuna sä abo alum ma Jurdê-na woi hî da’. Wani mi he nga andagad’a djona mandjafâ hi Levi-na adigazi d’i.

Josue 22:4

Ki tchetchemba, Ma didina mi he wa yima tuk tad’a mi b’oziyogina d’igi mi dazi na. Ki tchetchemba, agi igi ata yagi ma kaka yam ambas magi d’a Moise mi hagizi sä abo alum ma Jurdê-na woi hid’a.

Josue 22:7

Moise mi handaga d’a Basan-nda djona adjeu mabo andjafâ hi Manase-na, wani Josue mi habo andjaf ma arâ andagad’a djona gen b’oziyozina sä abo alum ma Jurdê-na woi hî abo ma fladegena. Ata yima mi tchuguzi á i ata yazi ma kakina, mi b’e vunam kaziya.

1 Samuel 13:7

Hebre suma dingâ a djak alum ma Jurdê-na, a ngei tazi yam andaga d’a Gat-ta ki d’a Galät-ta. Wani Saul mi nga Gilgal tua; azigar mama pet a nga zlak abo mandarâ.